1 CRÓNICAS 7 - Quichua Chimborazo Bible

Isacarpaj huahua huahuacunami

1Isacarpaj churicunaca: Tola, Fúa, Jasub, Simrón shuti chuscu churicunami carca.

2Tolapaj churicunaca: Uzi, Refaías, Jeriel, Jahmai, Jibsam, Semuel shuticunami carca. Paicunaca paicunapaj ñaupa yayacunamanta mirarishca paicunapaj quiquin familiacuna mandajcunami carca. Tolapaj huahua huahuacunaca David mandacujpica, 22.600 soldadocunami macanacunata alli yachaj c'ari c'aricuna carca.

3Uzipaj churica Israhiasmi. Israhiaspaj churicunaca: Micael, Obadías, Joel, Isías shuticunami carca. Tucuimantaca paicunaca pichca mandajcunami carca.

4Paicunaca achca huarmicunayuj cashpa achca huahuacunata charishpami tauca huahua huahuacunapura tucurca. Paicunaca macanacunata alli yachaj 36.000 runacunami carca.

5Isacarmanta mirarimushcacunata paicunapaj quiquinpurallata yupajpica 87.000 c'ari c'ari runacunami carca.

Benjaminpaj huahua huahuacunami

6Benjaminpaj churicunaca: Bela, Bequer, Jediael shuti quimsa churicunami carca.

7Belapaj churicunaca: Ezbón, Uzi, Uziel, Jerimot, Iri shuti pichca churicunami carca. Paicunaca paicunapaj ñaupa yayacunamanta mirarimushcacunata mandajcuna, macanacunata alli yachajcunami carca. Paicunapaj huahua huahuacunata yupajpica 22.034 runacunami carca.

8Bequerpaj churicunaca: Zemira, Joás, Eliezer, Elioenai, Omri, Jerimot, Abías, Anatot, Alamet shuticunami carca. Tucui paicunami Bequerpaj churicuna carca.

9Paicunapaj ñaupa yayacunamanta mirarimushca huahua huahuacunata, quiquin familiacunata mandajcunata yupajpica, 20.200 c'ari c'ari runacunami carca.

10Jediaelpaj churica Bilhanmi. Bilhanpaj churicunaca: Jeús, Benjamín, Aod, Quenaana, Zetán, Tarsis, Ahisahar shuticunami carca.

11Tucui paicunami Jediaelpaj huahua huahuacuna carca. Quiquin familiacunata mandajcunapish, c'ari c'ari runacunapishmi carca. Macanacunaman llujshijcunaca 17.200 runacunami carca.

12Hirpaj churicunaca: Supim, Hupim shuticunami carca. Aherpaj churica Husimmi carca.

Neftalipaj huahua huahuacunami

13Bilha huarmipi Neftalí charishca churicunaca: Jahzeel, Guni, Jezer, Salum shuticunami carca.

Manasespaj huahua huahuacunami

14Manasesca Siria llajtamanta caj caishuj huarmipica Asriel, Maquir shuti churicunatami charirca. Maquirca, Galaadpaj yayami carca.

15Maquirca Hupim, Supim runacunapaj pani Maacatami paipaj huarmi cachun japirca. Galaadpaj q'uipapish Maquirca, Zelofehad churitami charirca. Zelofehadca ushushicunallatami charirca.

16Maquirca, Maaca huarmipica shuj churitami charirca. Paitaca Perestami shutichirca. Perespaj huauquica Seresmi carca. Serespaj churicunaca: Ulam, Requem shuticunami carca.

17Ulampaj churica Bedanmi carca. Tucui chaicunaca Maquirpaj churi Galaadpaj huahua huahuacunami carca. Maquirca Manasespaj churimi carca.

18Maquirpaj pani Hamolequetca Isod, Abiezer, Mahala shuti churicunatami charirca.

19Semidapaj churicunaca: Ahián, Siquem, Likhi, Aniam shuticunami carca.

Efrainpaj huahua huahuacunami

20Efrainpaj churicunaca: Efrainpaj churica Sutelami. Sutelapaj churica Beredmi. Beredpaj churica Tahatmi. Tahatpaj churica Eladami. Eladapaj churica Tahatmi.

21Tahatpaj churica Zabadmi. Zabadpaj churica Sutelami. Sutelapaj churica Ezermi. Ezerpaj churica Eladmi carca. Ashtahuanpish Efrainpaj churicunata Gat pueblomantataj cajcunami paicunapaj animalcunata quichugrijpi huañuchircacuna.

22Paicuna huañushcamantami paicunapaj yaya Efrainca, achca punllacunata llaquilla cashcata ricuchij churanata churashca purirca. Chaimi paipaj huauquicunaca cushichinaman shamujcuna carca.

23Chai q'uipa paipaj huarmipi chayarijpi chichushpami shuj c'ari huahuata huacharca. Paipaj huasipi llaquilla cai punllacunapi huacharijpimi chai huahuataca, Beriata shutichirca.

24Beriapaj ushushica, Seerami carca. Paimi janajman caj Bet-horón pueblotapish, uraman caj Bet-horón pueblotapish, shinallataj Uzen-seera pueblotapish shayachirca.

25Beriapaj huahua huahuacunaca: Beriapaj churica Refami. Refapaj churica Resefmi. Resefpaj churica Telahmi. Telahpaj churica Tahanmi,

26Tahanpaj churica Laadanmi. Laadanpaj churica Amiudmi. Amiudpaj churica Elisamami,

27Elisamapaj churica Nunmi. Nunpaj churica Josuemi carca.

28Paicuna causanapaj japishca llajtaca Bet-el pueblomi muyundij llajtacunandij paicunapaj carca. Inti llujshin ladomanca, Naarán pueblomi paicunapaj carca. Inti huashicun ladomanca, Gezer pueblomi muyundij llajtacunandij paicunapaj carca. Siquem pueblopish, Gaza pueblocamami muyundij llajtacunandij paicunapaj carca.

29Manasespaj huahua huahuacunapaj llajta c'uchupi caj Bet-seán muyundij llajtacunapish, Taanac muyundij llajtacunapish, Meguido muyundij llajtacunapish, Dor muyundij llajtacunapish paicunapajmi carca. Yaya Israelpaj churi Josepaj huahua huahuacunaca, tucui chai llajtacunapimi causarcacuna.

Aserpaj huahua huahuacunami

30Aserpaj churicunaca: Imna, Isúa, Isúi, Bería shuticunami carca. Sera shuti ushushitapishmi charirca.

31Beriapaj churicunaca: Heber, Malquiel shuticunami carca. Malquielca Birzavitpaj yayami carca.

32Heberca: Jaflet, Somer, Hotam shuti churicunatami charirca. Paicunapaj panica Suami carca.

33Jafletpaj churicunaca: Pasac, Bimhal, Asvat shuticunami carca. Tucui chaicunami Jafletpaj churicuna carca.

34Semerpaj churicunaca: Ahí, Rohga, Jehúba, Aram shuticunami carca.

35Paipaj huauqui Helempaj churicunaca: Zofa, Imna, Seles, Amal shuticunami carca.

36Zofapaj churicunaca: Súa, Harnefer, Súal, Beri, Imra,

37Beser, Hod, Sama, Silsa, Itrán, Beera shuticunami carca.

38Jeterpaj churicunaca: Jefone, Pispa, Ara shuticunami carca.

39Ulapaj churicunaca: Ara, Haniel, Rezia shuticunami carca.

40Tucui chaicunami Aserpaj huahua huahuacunaca carca. Paicunaca paicunapaj ñaupa yayacunamanta mirarishcacunata mandajcuna, agllashcacuna, macanacunata alli yachajcuna, q'uipa mandajcunata mandajcunami carca. Paicunapaj ñaupa yayacunamanta mirarimushcacunata yupashpa ricujpica, macanacunata alli yachajcunaca 26.000 runacunami carca.