1Mandaj Diosca Jacobpaj huahua huahuacunataca llaquingami. Israelcunataca cutinllatajmi agllanga. Paicunapaj allpallapitajmi samachinga. Caru llajtamanta cajcunapish paicunahuanmi shuj yuyailla tucungacuna. Jacobpaj familiami tucungacuna.
2Shujtaj llajta gentecuna japishpami paicuna maipi cashcaman apangacuna. Mandaj Diospaj llajtapi paicunapajta ruraj cachunmi churangacuna. Israelcunaca paicunata prezu apajcunataca paicunapish prezu apangacunami. Paicunata llaquichishpa causajcunataca paicunami mandangacuna. Ñaupaman paicunata llaquichijcunataca, paicunami mandashpa charingacuna.
Babilonia llajtata jatun mandaj huañujpica chanzata rurashcami3Mandaj Dios cambaj trabajomanta, cambaj manchai canamanta, huatashca shina shujtajpajta ruracuimanta samachicui punllapica,
4Babilonia llajtata jatun mandajmanca cai nishca shimicunata huillashpaca cashna ningui:
“¡Jatunta llaquichicujca ima shinami tucurishca!
¡Curita yallitaj munaj puebloca ima shinami chingarishca!
5Mandaj Diosmari paita mana rijsijcunapaj mandaj cashcata ricuchij caspita p'aquishca.
Mandaj Diosmari jatun mandajcunapaj mandana varataca p'aquishca.
6Shujtaj llajtacunata yallitaj p'iñarishpa llaquichijtaca ñuturcami.
Carachahuan shina llaquichijtaca chingachircami.
Shujtaj llajtacunata jatunta p'iñarishpa mandajtaca chingachircami.
Mana llaquishpa catirashpa llaquichijtaca chingachircami.
7Chaipica tucui llajtacunami casilla sumajta causacuncuna.
Jatun Diostami alabashpa cantacuncuna.
8Can chashna tucushcamantaca ciprés yuracunacamami cushicun.
Libanopi caj cedro yuracunaca cashnami nincuna:
Can urmashca punllamanta ñucanchijta llaquichishpa p'itingapaj pi mana huichiyamushcachu nincunami.
9Seol ucupi tiyacujcunapish cantaca mancharircacunami.
Huañushcacunapish rijcharircacunami.
Can chayajpi alli nishpa chasquinaman llujshingapajmi rijcharircacuna.
Cai pachapaj jatun caj cashcacunatapish paicunapaj tiyacushcamanta jatarichircami.
Tucui llajtacunata jatun mandajcunatapish paicunapaj tiyacushcamanta jatarichircami.
10Tucui paicuna caparishpami cantaca cashna ningacuna:
¿Canpishchu ñucanchij shinallataj fuerza illaj tucushcangui imamí?
¿Ñucanchij shinallatajchu tucushcangui imamí?
11Canca can jatun tucushcandijmi seolman uriyamushcangui.
Arpacunapi tocachishca tonondijmi seolman uriyamushcangui.
Caipica cambaj camaca c'urucunami canga, c'urucunami cambaj c'ataca canga nircacunami.
12Achij nicuj pacari luzerolla, ¿ima nishpataj jahua pachamantaca urmarcanguiyari?
Allpa pachaman shitashcami carcangui.
Llajtacunata huajllichijmi carcangui.
13Canca cambaj shungupica, cashnami nirij carcangui: Jahua pachaman huichiyasha.
Chaipica, Taita Diospaj luzerocuna jahuapi ñuca mandanata rurasha.
Dioscuna ricurina urcupimi tiyarisha.
Janaj lado c'uchumanmi tiyarisha.
14P'uyumanta ashtahuan jahuamanmi huichiyasha.
Chaipica jahua pachapi causaj Dios shinami casha nirijmi carcangui.
15Ashtahuanpish canca seolman shitashcami cangui.
Jatun jutcu ucujman shitashcami cangui.
16Cantaca cumurishpa chaparashpa alli ricushpami, cashna ningacuna: ¿Tucui cai pachapi causajcunata chujchuchij runa shina?
¿Llajtacunata mandajcunata jatunta llaquichij runa shina?
17Paica cai pachata shitashca pambata shina rurajmi.
Pueblocunatapish ima illajta saquijmi.
Prezupi cajcunapaj carcel pungucunatapish manataj pascajchu carca ningacunami.
18Llajtata mandajcunaca tucui paicunami paicunapaj quiquin jutcupi alli nishpa churashca siricuncuna.
19Ashtahuanpish cantaca retoñota aisashpa shitashca shinallami canta churashca jutcumantaca anchuchishca cangui.
Espadahuan huañuchishcacunata jatun jutcupi shitashcacunapaj churana shinami cangui.
Huañushcata sarushca shinami cangui.
20Canca caishuj jatun mandajcunata shina alli nishpa jutcupi churashcaca mana canguichu.
Canca cambaj llajtata chingachij, cambaj llajtapi causajcunata huañuchij cashcamantami chashna cangui.
Millaita rurajcunapaj huahua huahuacunaca alli nishcacunaca mana tucucungallachu.
21Yayacuna millaita rurashcamanta paicunapaj huahuacunata huañuchinata allichichij.
Llajtacunata japingapaj ama ashtahuan jatarichun, tucui cai pachapi pueblocunata ama ashtahuan rurashpa jundachichunmi chashna rurana canguichij”.
22Tucuita Mandaj Dios ñucaca paicunata llaquichingapaj jatarishpaca: “Babiloniamantaca Babilonia shuti canatapish, mana huañushpa puchushcacunatapish, churicunatapish, nietocunatapish tucuicunatami p'ichajta anchuchisha ninmi Mandaj Diosca.
23Erizo animalcuna causana tucuchunmi saquisha.
Guzu tucuchunmi saquisha.
Tucuita tucuchij p'ichanahuanmi p'ichasha” ninmi.
Tucuita Mandaj Diosca.
Asiria llajtata chingachinata huillashcami24Tucuita Mandaj Diosca cashna nishpami huañuricun:
“Ñuca ima shinalla ruranata yuyarishcaca chashnatajmi tucunga.
Ima shinalla rurasha nishcataca chaitatajmi cashna pajtachisha:
25Asiriocunataca ñuca llajtapimi ñutuchisha.
Ñuca urcucunapimi paicunataca sarusha.
Paicuna apachishca yugotaca israelcunamanta anchuchishami.
Israelcunaman paicuna apachishca cargatapish anchuchishami” ninmi.
26Tucui cai pachatami chashna llaquichinata yuyarishca.
Tucui llajtacunata chashna llaquichinapajca ñami maquita chutaracun.
27Tucuita Mandaj Dios chashnataj rurashami nishcataca ¿pitaj jarcai tucungari?
Pai maquita chutaracuntaca ¿pitaj tandachi tucungari?
Filistea llajtata llaquichinata huillashcami28Jatun mandaj Acaz huañui huatami, Isaiasmanca cai shimicunata cashna huillachirca:
29Filisteapi tucui causajcuna cancunata llaquichicuj vara p'aquirishcamantaca, ama cushicuichijchu.
Culebrapaj sapimanta retoñoca víbora culebrami llujshinga.
Víbora culebramantacarin, alasyuj culebrami llujshinga.
30Huajchacunapaj punta churicunami alli michinapi michishca canga.
Ima illajllacunaca imata mana sustarishpami dormingacuna.
Ashtahuanpish cambaj sapimanta retoñashcacunataca yaricaihuanmi huañuchisha.
Cambaj huahua huahuacuna maijan saquiricujpipish, tucuicunatami chingachisha.
31Filisteapi caj pungucuna caparishpa huacaichigari.
Chai llajtapi tucui causajcuna caparichigari.
Tucui filisteocunami yacuyachishca canguichij.
Cushni shinami janaj ladomanta soldadocuna shamucun.
Chai soldadocunapurapica, filamanta llujshijca shujllapish mana tiyangachu.
32Llajtacunapi huillashpa purijcunamanca ¿ima nishpashi cutichinga?
“Mandaj Diosmi Sión urcutaca churarca.
Llaquita apacuj pai agllashcacunaca chaipimi miticugringacuna” ninami canga.
Who We AreWhat We EelieveWhat We Do
2025 by iamachristian.org,Inc All rights reserved.
