1Alascunahuan bullata ruraj llajtalla.
Etiopía jatun yacucuna huashanijpi caj llajtalla.
2Mama cuchata rishpa huillachun huillajcunata cachajcunalla.
Junco barcocunapi huillajcunata cachajcunalla.
¡Aij, imachari tucunguichij!
Huillanaman callpacujcuna aicha cara achij nicuj jatun runacunapaj llajtaman richij.
Paicunaca callarimanta pacha c'ari c'aricunami.
Paicunaca fuerzasapa shujtaj llajtacunatapish quichucujllacunami.
Chai llajtaca yacucuna muyunchishcami.
3Tucui cai pachapi causaj cancuna, allpa pachapi causajcuna, urcucunapi banderata shayachijta ricuranguichij.
Trompetapi tocajta uyaranguichij.
4Mandaj Diosmari ñucamanca cashna nirca:
“Ñucaca casijllami casha.
Ñuca causacunmantami chapasha.
Tamyashca q'uipa inti achijlla caj shinami casha.
Cozicha punllapi rupachicujpi p'uyu shullayachij shinami casha.
5Uva chagraca manaraj cozicha punlla chayamujpimi boton tucushpa sisashpaca uvacuna ricurin.
Chai uvacuna alli p'ucuchunca uchilla ramacunataca p'itinacunahuanmi p'itinga.
Chai ramacunata shinallatajmi p'itishpa anchuchinga.
6Chai tucui ramacunataca urcucunapi tiyaj alasyuj animalcunapajmi saquingacuna.
Allpapi tiyaj sacha animalcunapajmi saquingacuna.
Chaipica pajarocunaca tucui usya punllacunatami micunata charingacuna.
Sacha animalcunapish tucui tamya punllacunatami chaipi micunata charingacuna.
7Chai punllacunapica aicha cara achij nicuj jatun runacunaca Tucuita Mandaj Diosman cungapajmi apamungacuna.
Paicunaca callarimanta pacha c'ari c'aricunami.
Paicunaca fuerzasapa shujtaj llajtacunatapish quichucujllacunami.
Chai llajtaca yacucuna muyunchishcami.
Paicunaca tucuita Mandaj Jatun Diosman cungapajmi Sión urcuman apamungacuna” nircami.
Who We AreWhat We EelieveWhat We Do
2025 by iamachristian.org,Inc All rights reserved.
