1 CRÓNICAS 3 - Quichua Chimborazo Bible

Davidpaj churicunami(2 S 3.2-5; 5.13-16; 1 Cr 14.3-7)

1Davidca, Hebronpi causacushpaca cai churicunatami charirca: Amnón punta churitaca Jezreel pueblomanta caj Ahinoam huarmipimi charirca. Chaipaj q'uipaca, Danieltami charirca. Paitaca, Carmel pueblomanta caj Abigail huarmipimi charirca.

2Ishquipaj q'uipa churica Absalonmi carca. Paitaca, Gesur llajtata jatun mandaj Talmaipaj ushushi Maacapimi charirca. Quimsapaj q'uipa churica Adoniasmi carca. Paitaca, Haguit huarmipimi charirca.

3Chuscupaj q'uipa churica Sefatiasmi carca. Paitaca, Abital huarmipimi charirca. Pichcapaj q'uipa churica Itreammi carca. Paitaca Egla paipaj huarmipimi charirca.

4Davidca, chai sujta churicunataca Hebronpi causacushpami charirca. Chaipica canchis huata, sujta quillatami mandarca. Jerusalenpica quimsa chunga quimsa huatatami mandarca.

5Jerusalenpi cajpica: Simea, Sobab, Natán, Salomón cai chuscu churicunami huacharirca. Paicunapaj mamaca Amiel runapaj ushushi Bet-súa huarmimi carca.

6Iscun shujtaj churicunatapishmi charirca. Chaicunaca: Ibhar, Elisama, Elifelet,

7Noga, Nefeg, Jafía,

8Elisama, Eliada, Elifelet shuticunami carca.

9Tucui chaicunami Davidpaj churicuna carca. Davidpaj caishuj huarmicunapi charishca churicunata mana yupashcami chaica carca. Tamarca paicunapaj panimi carca.

Salomonpaj huahua huahuacunami

10Salomonpaj huahua huahuacunaca caicunami: Salomonpaj churica, Roboammi, Roboampaj churica Abiasmi, Abiaspaj churica Asami, Asapaj churica Josafatmi.

11Josafatpaj churica Jorammi, Jorampaj churica Ocoziasmi, Ocoziaspaj churica Joasmi.

12Joaspaj churica Amasiasmi, Amasiaspaj churica Azariasmi, Azariaspaj churica Jotammi.

13Jotampaj churica Acazmi, Acazpaj churica Ezequiasmi, Ezequiaspaj churica Manasesmi.

14Manasespaj churica Amonmi, Amonpaj churica Josiasmi.

15Josiaspaj churicunaca. Punta churica Johananmi, q'uipa churica Joacimmi. Ishquipaj q'uipa churica Sedequiasmi, quimsapaj q'uipa churica Salummi carca.

16Joacimca Jeconías churitami charirca. Jeconiasca Sedequías churitami charirca.

17Jeconiaspaj churicunaca: Asir, Salatiel,

18Malquiram, Pedaías, Senazar, Jecamías, Hosama, Nedabías shuticunami carca.

19Pedaiaspaj churicunaca: Zorobabel, Simei shuti churicunami carca. Zorobabelpaj churicunaca: Mesulam, Hananías shuti churicunami carca. Paicunapaj pani Selomitpishmi carca.

20Zorobabelca: Hasuba, Ohel, Berequías, Hasadías, Jusab-hesed shuti pichca churicunatapishmi charirca.

21Hananiaspaj churicunaca: Pelatías, Jesaías shuticunami carca. Jesaiaspaj churica Refaiasmi, Refaiaspaj churica Arnanmi, Arnanpaj churica Abdiasmi, Abdiaspaj churica Secaniasmi carca.

22Secaniaspaj churica Semaiasmi carca. Semaiaspaj churicunaca: Hatús, Igal, Barías, Nearías, Safat shuti sujta churicunami carca.

23Neariaspaj churicunaca: Elioenai, Ezequías, Azricam shuti quimsa churicunami carca.

24Elioenaipaj churicunaca: Hodavías, Eliasib, Pelaías, Acub, Johanán, Dalaías, Anani shuti canchis churicunami carca.