1Mandaj Dioslla, ñucami quiquinta rogani.
2Ñuca Taita Dioslla, quiquinpimi shunguta churani.
Ñuca pingai tucuchunca ama saquihuaichu.
Ñucata p'iñajcuna cushicuchunca, ama saquihuaichu.
3Quiquinpi shunguta churajca pi mana musparingachu. Quiquinta yangamanta c'ariyajllami pingachishca canga.
4Mandaj Dioslla, quiquinpaj ñancunata ricuchihuayari.
Quiquinpaj ñancunapi purinata yachachihuayari.
5Quiquinpaj mana llullapi pushahuayari.
Chaillata yachachihuayari. Quiquinca ñucata quishpichij Diosmi cangui.
Punllanta quiquinllatami shuyani.
6Mandaj Dioslla quiquinca c'uyaj cashcata, llaquij cashcata yuyaripayari.
Quiquinpaj c'uyaj canaca, quiquinpaj llaquij canaca huiñaipajmari.
7Huambraraj cashpa ñuca juchallishcata ama yuyaripangui.
Huambraraj cashpa ñuca c'ariyashcacunata ama yuyaripangui.
Quiquin llaquij cashca shinallataj ñucata yuyaripangui.
Mandaj Dioslla, quiquin c'uyaj cashca shinallataj c'uyangui.
8Mandaj Diosca alli, mana pandarijmi.
Chaimanta juchayujcunataca, paimi alli ñanpi purinata yachachinga.
9Mana jatun tucushcacunataca,
paipaj cashcata ruranapi purinatami yachachinga.
Alli shungucunataca, paipaj callpanapi callpanatami yachachinga.
10Mandaj Dioshuan ari ninacushcata huaquichijcunapaj, pai ima shina cashcata ricuchishpa causajcunapajca, Mandaj Diospaj ñancunaca llaquij canahuan, mana llullahuan jundami.
11Ñuca juchaca yallitaj jatunmari.
Mandaj Dioslla, quiquinpaj shutita c'uyashcamanta perdonahuai.
12¿Pishi Mandaj Diosta manchaj runaca?
Paita manchajtaca maijan ñanta agllanatami yachachin.
13Taita Dios cushcacunapica paimi cushicunga.
Paipaj huahua huahuacunami Dios cushca allpataca japinga.
14Mandaj Diosca paita manchajcunahuanmi yallitaj apanacun.
Paihuan ari ninacushcata pajtachinataca paicunamanmi yachachinga.
15Mandaj Diosca ñuca chaquicunata linchimanta llujshichijmi.
Chaimanta ñuca ñahuica Mandaj Diosllatami chaparan.
16Mandaj Dioslla ñucallamari cani.
Llaquicunahuan huañucunimari.
Mandaj Dioslla, ricuhuayari llaquihuayari.
17Ñuca shungupi llaquicunaca jahuanpi jahuanpimari mirarin.
Chai llaquicunamantaca llujshichihuayari.
18Llaquicunahuan ñuca cajta, shaicushca cajta ricuhuayari.
Tucui ñuca juchacunata perdonahuai.
19Ricuhuayari,
ñucata p'iñajcunaca ima shinami mirarishca.
Paicunaca yallitaj p'iñashpamari huañuchishun nicuncuna.
20Quiquinllapimari shunguta churani.
Ñuca almata huaquichihuai, quishpichihuai.
Pingaichishca cachun ama saquihuaichu.
21Quiquinpi shunguta churashcamantaca ñuca cashcata ruraj cashca imapi mana pandaj cashca ñucataca huaquichichun.
22Dioslla, israelcunataca cacharichihuayari.
Tucui paicunapaj llaquicunamanta
llujshichipayari.
Who We AreWhat We EelieveWhat We Do
2025 by iamachristian.org,Inc All rights reserved.
