1Moisesca Diospaj carpa huasita ña shayachishpaca, carpa huasitapish, chaipi Diospajta ruranapaj imalla charinacunatapish aceitehuan churashpami Diospajlla cachun ch'icanchirca. Altartapish, chaipi Diospajta ruranapaj imalla charinacunatapish aceitehuan churashpallatajmi Diospajlla cachun ch'icanchirca.
2Chaimanca israelcunata mandajcunami c'uchuyamurca. Paicunaca cada yayamanta mirarishca huasi familiata pushajcunami carca. Paicunallatajmi cada ailluta yupashcacunata pushajcunapish carca.
3Paicunaca Mandaj Diosman cungapajca caicunatami apamurca: Carpashca sujta carrocunata. Chunga ishqui huagracunatami apamurca. Cada ishqui pushajmi shuj carrota apamurca. Shinallataj cada pushajmi shuj shuj huagrata apamurca. Tucui chaicunataca Diospaj carpa huasi ñaupajpimi Diospaj cachun churarcacuna.
4Mandaj Dios Moisesta mandashpaca cashnami nirca:
5“Paicuna cushcacunataca chasquilla. Chaicunaca Dioshuan tupanacuna carpa huasipi imallata ruranapajmi canga. Chaicunataca levitacuna Diospajta rurachun paicuna imallata rurana cashcapaj cada quiquinman cungui” nircami.
6Chaimi Moisesca carrocunatapish, huagracunatapish japishpa levitacunaman curca.
7Gersonpaj huahua huahuacunamanca, paicuna imallata apaj cashca shinami, ishqui carrocunata, chuscu huagracunata curca.
8Meraripaj huahua huahuacunamanpish, imallata apaj cashca shinami, chuscu carrocunata, pusaj huagracunata curca. Paicunaca Aarón curapaj churi Itamar mandashca shinami rurajcuna carca.
9Coatpaj huahua huahuacunamanca Diospajlla ch'icanchishcacunataca paicunapaj rigra jahuallapi apana cashcamantami carrocunatapish, huagracunatapish mana curca.
10Altarta aceitehuan churashpa Diospajlla cachun ch'icanchi punllami, israelcunata mandajcunaca altarta Diosman mingangapaj Diosman cunata apamurca. Israelcunata mandajcunaca altar ñaupajpimi Diosman cunataca churarca.
11Mandaj Diosca, Moisestaca cashnami nirca: “Altarta Diosman mingangapajca, israelcunata mandajcunaca ñucaman cuna cashcacunataca punta punllaca shuj pushaj, cati punllaca caishuj pushaj huashan huashan apamuchun mandangui” nircami.
12Punta punllapi cuna cashcata cujca Aminadabpaj churi Naasonmi carca. Paica Judá ailluta pushajmi carca.
13Paica caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunaca Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpitajmi tucuimanta yalli alli cutata aceitehuan chapushca jundahuan curca.
14Chunga siclota pezaj curi cucharatapish, inciensohuan jundata,
15shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.
16Juchamanta cunapajca shuj chivotami curca.
17Sumaj causaimanta cunapajca ishqui huagrata, pichca carnerota, pichca chivota, shuj huatayuj pichca c'ari ovejatami curca. Aminadabpaj churi Naasón Diosman cushcacunaca chaicunami carca.
18Cati punllapi cuna cashcata cujca, Zuarpaj churi Natanaelmi carca. Paica Isacar ailluta pushajmi carca.
19Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.
20Chunga siclota pezaj curi cucharatapish, inciensohuan jundata,
21shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.
22Juchamanta cunapajpish shuj chivotami curca.
23Sumaj causaimanta cunapajca ishqui huagrata, pichca carnerota, pichca chivota, shuj huatayuj pichca c'ari ovejatami curca. Zuarpaj churi Natanael Diosman cushcacunaca chaicunami carca.
24Quimsa punllapi cuna cashcata cujca, Helonpaj churi Eliabmi carca. Paica Zabulón ailluta pushajmi carca.
25Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.
26Chunga siclota pezaj curi cucharatapish, inciensohuan jundata,
27shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.
28Juchamanta cunapajpish shuj chivotami curca.
29Sumaj causaimanta cunapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Helonpaj churi Eliab Diosman cushcacunaca chaicunami carca.
30Chuscu punllapi cuna cashcata cujca, Sedeurpaj churi Elisurmi carca. Paica Rubén ailluta pushajmi carca.
31Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.
32Chunga siclota pezaj curi cucharatapish, inciensohuan jundata,
33shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.
34Juchamanta cunapajpish shuj chivotami curca.
35Sumaj causaimanta cunapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Sedeurpaj churi Elisur Diosman cushcacunaca chaicunami carca.
36Pichca punllapi cuna cashcata cujca, Zurisadaipaj churi Selumielmi carca. Paica Simeón ailluta pushajmi carca.
37Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.
38Chunga siclota pezaj curi cucharatapish, inciensohuan jundata,
39shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.
40Juchamanta cunapajpish shuj chivotami curca.
41Sumaj causaimanta cunapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Zurisadaipaj churi Selumiel Diosman cushcacunaca chaicunami carca.
42Sujta punllapi cuna cashcata cujca, Deuelpaj churi Eliasafmi carca. Paica Gad ailluta pushajmi carca.
43Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.
44Chunga siclota pezaj shuj curi cucharatapish, inciensohuan jundata,
45shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.
46Juchamanta cunapajca shuj chivotami curca.
47Sumaj causaimanta cunapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Deuelpaj churi Eliasaf Diosman cushcacunaca chaicunami carca.
48Canchis punllapi cuna cashcata cujca, Amiudpaj churi Elisamami carca. Paica Efraín ailluta pushajmi carca.
49Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.
50Chunga siclota pezaj shuj curi cucharatapish, inciensohuan jundata,
51shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.
52Juchamanta cunapajpish shuj chivotami curca.
53Sumaj causaimanta cunapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Amiudpaj churi Elisama Diosman cushcacunaca chaicunami carca.
54Pusaj punllapi cuna cashcata cujca, Pedasurpaj churi Gamalielmi carca. Paica Manasés ailluta pushajmi carca.
55Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.
56Chunga siclota pezaj curi cucharatapish, inciensohuan jundata,
57shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.
58Juchamanta cunapajca shuj chivotami curca.
59Sumaj causaimanta cunapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Pedasurpaj churi Gamaliel Diosman cushcacunaca chaicunami carca.
60Iscun punllapi cuna cashcata cujca, Gedeonipaj churi Abidanmi carca. Paica Benjamín ailluta pushajmi carca.
61Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.
62Chunga siclota pezaj curi cucharatapish, inciensohuan jundata,
63shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.
64Juchamanta cunapajpish shuj chivotami curca.
65Sumaj causaimanta cunapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Gedeonipaj churi Abidán Diosman cushcacunaca chaicunami carca.
66Chunga punllapi cuna cashcata cujca, Amisadaipaj churi Ahiezermi carca. Paica Dan ailluta pushajmi carca.
67Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.
68Chunga siclota pezaj curi cucharatapish, inciensohuan jundata,
69shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.
70Juchamanta cunapajpish shuj chivotami curca.
71Dioshuan alli cangapajca ishqui huagrata, pichca carnerota, pichca chivota, shuj huatayuj pichca c'ari ovejatami curca. Amisadaipaj churi Ahiezer Diosman cushcacunaca chaicunami carca.
72Chunga shuj punllapi cuna cashcata cujca, Ocranpaj churi Pagielmi carca. Paica Aser ailluta pushajmi carca.
73Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.
74Chunga siclota pezaj curi cucharatapish, inciensohuan jundata,
75shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.
76Juchamanta cunapajpish shuj chivotami curca.
77Dioshuan alli cangapajca ishqui huagrata, pichca carnerota, pichca chivota, shuj huatayuj pichca c'ari ovejatami curca. Ocranpaj churi Pagiel Diosman cushcacunaca chaicunami carca.
78Chunga ishqui punllapi cuna cashcata cujca, Enanpaj churi Ahirami carca. Paica Neftalí ailluta pushajmi carca.
79Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.
80Chunga siclota pezaj curi cucharatapish, inciensohuan jundata,
81shuj malta bizitapish, shuj carnerotapish, shuj huatayuj c'ari ovejatapishmi Diosman cushpa tucui rupachinapaj curca.
82Juchamanta cunapajpish shuj chivotami curca.
83Sumaj causaimanta canapajpish ishqui huagrata, pichca carnerota, pichca chivota, shuj huatayuj pichca c'ari ovejatami curca. Enanpaj churi Ahira Diosman cushcacunaca chaicunami carca.
84Altarta aceitehuan churashpa Diospajlla cachun ch'icanchi punllapi altarta Diosman mingangapaj israelcunata mandajcuna apamushcacunaca caicunami carca: Chunga ishqui cullqui platocuna, chunga ishqui cullqui jarrocuna, chunga ishqui curi cucharacunami carca.
85Chai platocunaca cada platomi, 130 siclota pezarca. Jarrocunapish cada jarromi canchis chunga siclota pezarca. Tucui chaicunata pezajpica, 2.400 siclomi carca. Chaicunaca Diospaj carpa huasipi cullquita pezanapi pezashcami carca.
86Chunga ishqui curi cucharacunaca, inciensohuan jundami carca. Cucharacunaca cada cucharami chunga siclota pezarca. Chaicunapish Diospaj carpa huasipi cullquita pezanapi pezashcami carca. Tucui curi cucharacunata pezajpica 120 siclomi carca.
87Diosman cushpa tucui rupachingapaj apamushca animalcunaca caicunami carca: Chunga ishqui bizicuna, chunga ishqui carnerocuna, shuj huatayuj chunga ishqui c'ari ovejacunami carca. Chaicunataca Diosman cuna chaquishca granocunahuanpishmi curca. Juchamanta cunapaj apamushcacunaca chunga ishqui chivocunami carca.
88Sumaj causaimanta paiman cungapaj apamushca animalcunaca caicunami carca: Ishqui chunga chuscu huagracuna, sujta chunga carnerocuna, sujta chunga chivocuna, shuj huatayuj sujta chunga c'ari ovejacunami carca. Chaicunataca altarta aceitehuan churashpa Diospajlla cachun ch'icanchishca q'uipa, altarta Diosman mingangapajmi apamurcacuna.
89Dioshuan tupanacuna carpa huasipi Dioshuan rimangapaj Moisés yaicushpaca, Dioshuan ari ninacushca quillcata huaquichina arca jahuapi caj propiciatorio jahuapi caj ishqui querubincunapaj chaupimanta Dios rimajtami uyarca. Chashnami Diosca Moiseshuan rimaj carca.
Who We AreWhat We EelieveWhat We Do
2025 by iamachristian.org,Inc All rights reserved.
