1Mandaj Dioslla, ñuca mañashcata uyahuayari.
Ñuca rogarishcata uyahuayari. Quiquinca cashcata ruraj, pajtachij cashcamanta cutichihuayari.
2Quiquinpajta rurajtaca imallata rurashcata ricuchinaman ama yaicuichu.
Quiquinpaj ñaupajpica, pi mana ima juchachina illajmi cani mana ni tucunchu.
3Ñucata p'iñajca ñucataca catirashpamari llaquichishca.
Ñuca causaitaca allpapimari sarushca.
Ñucataca huañushcacunata shina amsapi causachunmari churashca.
4Ñuca espirituca yallitaj llaquirishcami.
Ñuca shunguca yallitaj llaquihuanmari.
5Ñaupa huatacunaca ñucahuan ima shina cashcatami yuyarircani.
Ñucapaj quiquin imallata rurashcacunatami alli alli yuyaricurcanilla. Quiquinpaj maquihuan rurashcacunatami alli alli yuyaricurcanilla.
6Quiquinpajmanmi ñuca maquicunataca chutarcani.
Ñuca almaca chaquishca allpa yacunaihuan caj shinami quiquinta shuyacun. Selah
7Mandaj Dioslla, ñuca mañashcata utca cutichihuayari.
Ñuca samaica ña taparigrinca.
Ama quiquinpaj ñahuita ñucamanta anchuchihuaichu.
Ñucata quiquin mana ricunaman shamujpica huañushcacunata pambashcaman uriyacujcuna shinami casha.
8Quiquin ñucata llaquishcataca tutamantaman yachaj chayachiyari. Quiquinpimari ñuca shunguta churarcani.
Ñuca maillata rina ñanta ricuchihuayari. Ñuca tucui ima yuyashcataca quiquinmanmari huillani.
9Mandaj Dioslla, ñucata p'iñajcunamanta llujshichihuayari. Quiquinpimari ñucaca miticuni.
10Quiquinca ñuca Taita Diosmi cangui.
Quiquinpaj munaita ruranata yachachihuayari.
Quiquinpaj alli Espiritullataj ñucataca ima pandata mana rurajcunapaj llajtaman pushachun.
11Mandaj Dioslla, quiquinpaj shutimanta ñucaman cutin fuerzata cuhuayari.
Quiquin cashcata ruraj cashcamanta ñuca almataca llaquimanta llujshichihuai.
12Ñucaca quiquinpajta ruraj cashcamanta, quiquin ñucata llaquishcamanta, ñucata p'iñajcunataca chingachihuai.
Ñucata huañuchisha nicujcunataca tucuicunata ñutuchihuai.
Who We AreWhat We EelieveWhat We Do
2025 by iamachristian.org,Inc All rights reserved.
