1 CRÓNICAS 25 - Quichua Chimborazo Bible

Tocajcunamantapish, cantajcunamantapish

1Davidca, soldadocunata mandajcunahuan tucushpami Asafpaj, Hemanpaj, Jedutunpaj huahua huahuacunataca cantashpa Diospajta rurachun ch'icanchishpa churarca. Paicunataca arpacunapi, salteriocunapi, cimbalocunapi tocashpa, Diospajta rurachunmi churarca. Tonocunahuan Diospajta ruranapajtaj caj runacuna mashna cashcaca caicunami:

2Asafpaj churicunapuramantaca: Zacur, José, Netanías, Asarela shuticunami carca. Asafpaj churicunataca paicunapaj yaya Asafllatajmi yachachishpa pushaj carca. Paica jatun mandaj huillai nijpimi Dios ima nishcata huillaj carca.

3Jedutunpaj churicunapuramantaca: Gedalías, Zeri, Jesaías, Hasabías, Matatías, Simei shuti sujta churicunami carca. Paicunata yachachishpa pushajca, paicunapaj yaya Jedutunllatajmi carca. Paica arpapi tocashpami, Mandaj Diosta pagui nishpa, alabashpa Dios ima nishcata huillaj carca.

4Hemanpaj churicunapuramantaca: Buquías, Matanías, Uziel, Sebuel, Jeremot, Hananías, Hanani, Eliata, Gidalti, Romanti-ezer, Josbecasa, Maloti, Hotir, Mahaziot shuticunami carca.

5Tucui paicunami Dios huillachishcata jatun mandajman huillaj Hemanpaj churicuna carca. Hemanta c'ari c'ari cashcata ricuchingapajmi chunga chuscu churicunata, quimsa ushushicunata Taita Diosca paimanca curca.

6Mandaj Diospaj huasipi cimbalocunapi, salteriocunapi, arpacunapi tocashcahuan cantashpa Diospajta ruracujpica, paicunapaj yaya Hemanmi dirijirca. Asaftapish, Jedutuntapish, Hemantapish jatun mandaj Davidmi mandaj carca.

7Mandaj Diosta cantachun yachachishcacuna ña alli cantajcunata tucuicunata mashna cashcata yupajpica 288 runacunami carca.

8Paicunapish Diospajta ruranapi yaicungapajca sorteashpami yuyajcunapajpish, chairajcunapajpish, yachachijcunapajpish, yachacujcunapajpish huashan huashan rurashpa catingapaj yaicuna tucurcacuna.

9Punta sorteajpica asafita Josepajmi urmarca. Ishquipica Gedaliaspajmi urmarca. Paipaj huauquicunandij, churicunandijca chunga ishquimi carca.

10Quimsapica Zacurpajmi urmarca. Paipaj churicunandij, paipaj huauquicunandijca chunga ishquimi carca.

11Chuscupica Izripajmi urmarca. Paipaj churicunandij, paipaj huauquicunandijca chunga ishquimi carca.

12Pichcapica Netaniaspajmi urmarca. Paipaj churicunandij, paipaj huauquicunandijca chunga ishquimi carca.

13Sujtapica Buquiaspajmi urmarca. Paipaj churicunandij, huauquicunandijca chunga ishquimi carca.

14Canchispica Jesarelapajmi urmarca. Paipaj churicunandij, huauquicunandijca chunga ishquimi carca.

15Pusajpica Jesahiaspajmi urmarca. Paipaj churicunandij, huauquicunandijca chunga ishquimi carca.

16Iscunpica Mataniaspajmi urmarca. Paipaj churicunandij, huauquicunandijca chunga ishquimi carca.

17Chungapica Simeipajmi urmarca. Paipaj churicunandij, huauquicunandijca chunga ishquimi carca.

18Chunga shujpica Azareelpajmi urmarca. Paipaj churicunandij, huauquicunandijca chunga ishquimi carca.

19Chunga ishquipica Hasabiaspajmi urmarca. Paipaj churicunandij, huauquicunandijca chunga ishquimi carca.

20Chunga quimsapica Subaelpajmi urmarca. Paipaj churicunandij, huauquicunandijca chunga ishquimi carca.

21Chunga chuscupica Matatiaspajmi urmarca. Paipaj churicunandij, huauquicunandijca chunga ishquimi carca.

22Chunga pichcapica Jeremotpajmi urmarca. Paipaj churicunandij, huauquicunandijca chunga ishquimi carca.

23Chunga sujtapica, Hananiaspajmi urmarca. Paipaj churicunandij, huauquicunandijca chunga ishquimi carca.

24Chunga canchispica Josbecasapajmi urmarca. Paipaj churicunandij, huauquicunandijca chunga ishquimi carca.

25Chunga pusajpica Hananipajmi urmarca. Paipaj churicunandij, huauquicunandijca chunga ishquimi carca.

26Chunga iscunpica Malotipajmi urmarca. Paipaj churicunandij, huauquicunandijca chunga ishquimi carca.

27Ishqui chungapica Eliatapajmi urmarca. Paipaj churicunandij, huauquicunandijca chunga ishquimi carca.

28Ishqui chunga shujpica Hotirpajmi urmarca. Paipaj churicunandij, huauquicunandijca chunga ishquimi carca.

29Ishqui chunga ishquipica Gidaltipajmi urmarca. Paipaj churicunandij, huauquicunandijca chunga ishquimi carca.

30Ishqui chunga quimsapica Mahaziotpajmi urmarca. Paipaj churicunandij, huauquicunandijca chunga ishquimi carca.

31Ishqui chunga chuscupica Romanti-ezerpajmi urmarca. Paipaj churicunandij, huauquicunandijca chunga ishquimi carca.