1Jahua pachapi cajcuna, Mandaj Diosta alabaichigari.
Jahuapi tiyajcuna, paita alabaichigari.
2Tucui paipaj angelcunapish alabaichigari.
Tucui paipaj soldadocunapish alabaichigari.
3Intipish, lunapish alabaichigari.
Achij nicuj tucui luzerocunapish, alabaichigari.
4Tucuita yalli jahuaman caj jahua pachacunapish alabaichigari.
Jahua pachapi caj yacucunapish alabaichigari.
5Mandaj Diospaj shutitaca alabaichigari.
Pai mandajpimi tucui imapish rurarirca.
6Tucui imatapish huiñai huiñaipaj cachunmi rurarca.
Mana p'aquipaj mandashcatami churarca.
7Mandaj Diostaca cai pachamanta alabaichigari.
Mama cuchapi causaj manchanana animalcuna, ucujman caj yacucuna paita alabaichigari.
8Taita Dios mandashcata ruraj rayopish, rundupish alabaichigari.
Rasupish p'uyupish, jatun huairandij tamyapish alabaichigari.
9Urcucunapish, tucui lomacunapish alabaichigari.
Granota p'ucuj yuracunapish, tucui cedro yuracunapish alabaichigari.
10Jatun animalcunapish, tucui laya animalcunapish, llucashpa purij animalcunapish, tucui pajarocunapish alabaichigari.
11Cai pacha mandajcunapish, tucui shujtajcunapish alabaichigari.
Mandajcunapish, tucui cai pacha juezcunapish alabaichigari.
12Mosocunapish, solteracunapish, yuyajcunapish, uchilla huahuacunapish alabaichigari.
13Mandaj Diospaj shutita alabaichigari.
Paipaj shutillami jatunyachishca.
Pai sumaj cashcaca cai pachapajpish, jahua pachapajpish jahuapimi.
14Paimi paipaj cajcuna mandanataca jatunyachishca.
Tucui jucha illajcuna, tucui israelcuna alabaichigari.
Paipaj c'uchupi cajcuna alabaichigari.
¡Mandaj Diosta alabaichigari!
Who We AreWhat We EelieveWhat We Do
2025 by iamachristian.org,Inc All rights reserved.
