1Mandaj Diostaca mushuj
cantohuan cantaichigari.
Mandaj Diostaca tucui cai pachapi
causajcuna cantaichigari.
2Mandaj Diostaca cantaichigari.
Paipaj shutitaca alli nichigari.
Pai quishpichij cashcataca,
punllanta huillaichigari.
3Pai sumaj cashcataca, tucui
llajtacunapi huillaichigari.
Mancharinacunata ruraj cashcataca tucuicunaman huillaichigari.
4Mandaj Diosca jatunmari,
tucuimanta yalli alabashca cana Diosmari.
Tucui dioscunapaj jahuapi caj
manchana Diosmari.
5Tucui shujtajcunapaj dioscunaca, maquihuan rurashca dioscunallamari. Ashtahuanpish Mandaj Diosca jahua pachata ruraj Diosmari.
6Paipaj ñaupajpica mandaj, sumaj achij nicujmi tiyan.
Paipajlla huasipica tucuita rurai tucuj, achij nicujmi tiyan.
7Ch'ican ch'ican familia cashpapish Mandaj Diosmanca alli nishca canata cuichigari.
Jatunmi cangui, tucuita rurai tucujmi cangui nishcata cuichigari.
8Paiman cuna cashcata apashpa,
paipaj huasi canllaman shamuichigari. Mandaj Diospaj shutitaca pai munashca shinataj alli nichigari.
9Adorana churanata churarishca Mandaj Diostaca adoraichigari.
Tucui cai pachapi causajcuna
Mandaj Diospaj ñaupajpi manchaihuan caichigari.
10Llajtacunapi causajcunamanca:
“Mandaj Diosca Jatun Mandajmi” nichij.
Cai pachataca, sinchitami rurarca, mana cuyuchishcachu canga.
Paica cai pachapi causajcunataca cashcata
rurashpami mandanga.
11Jahua pachapish cushicuichigari.
Cai pachapish cushicuichigari.
Mama cuchapish, chaipi imalla
tiyajcunapish huajiaichigari.
12Allpapish, chaipi imalla tiyajcunapish jatunta cushicuichigari.
Yura chagrapish yallitaj cushicuihuan jundami canga.
13Mandaj Diosca cai pachata mandangapaj ñami shamucun.
Paica cai pachataca cashcata rurashpami mandanga.
Gentecunataca mana llullaj canahuanmi mandanga.
Paipaj
ñaupajpi cushicunguichij.
Who We AreWhat We EelieveWhat We Do
2025 by iamachristian.org,Inc All rights reserved.
