1Mama cucha c'uchupi caj shitashca pambapi causajcuna imalla tucunataca cashami huillachishca:
Neguevmantaca jatun acapanami shamun.
Jatun acapana shinallatajmi manchanana llajtapi caj shitashca pambamantaca shamuncuna.
2Mandaj Diosca sinchi mancharinatami muscuipi shina ricuchirca:
Huashalla llaquichijca huashalla llaquichinllami.
Ñutujca ñutunllami.
“Elam llajtapi causajcuna huichiyaichigari.
Media llajtapi causajcuna muyundijta shayarichigari.
Paicuna aij nicujtaca upallachircanimi” nircami.
3Chaimantami ñucaca huasha nanaihuan chujchucurcani.
Huachana nanaihuan caj huarmita shinamari llaquica ñucataca japirca.
Chaita uyashpaca llaquillami carcani.
Chaita ricushpaca musparircanimi.
4Ñuca shunguca musparinmari.
Caitajta ricushpaca upayanimari.
Cushijlla cana tutaca manchaihuan canami tucushca.
5Mezataca churancunami.
Linsocunahuanmi jahuata churancuna.
Micuncunami, ubyancunami.
Mandajcuna jatarichigari.
Escudotaca huiraichigari.
6Jatun Diosmari ñucataca cashna nin:
“Tucui ima ricurijpipish huillachun chapajta churai” nircami.
7Chapaj runaca ishqui ishqui caballocuna carrocunata aisashca callpacujtami ricurca.
Burrocunapipish, camellocunapipish tiyarishcacuna shamucujtami ricurca.
Chaita ricushpaca ashtahuan alli alli ricushpami,
8chapaj runaca león huacarij shina cashna caparirca:
“Jatun Dios, chapana torrepica tutai punllami alli chaparacuni.
Ñuca maipi canamantaca manataj anchunichu.
9Chashna chapacushpami ishqui ishqui caballocuna carrocunata aisashca shamucujta ricurcani”.
Paicunamanta shujca:
“¡Babiloniaca urmanca, urmanca!
Paicunapaj rurashcalla dioscunaca ñuturishpami pambapi siricun” nircami.
10Ñuca llajtapi causajcunalla, trillashpa huairachishcacunami canguichij.
Israelcunapaj Dios, tucuita Mandaj Dios imata nishcata uyashcatami cancunamanca huillarcani.
Duma llajta imalla tucuna cashcata huillachishcami11Duma llajta imalla tucunataca cashnami huillachishca:
Ñucataca maijantajshimi Seir llajtamantaca:
“Chapaj runa, cai tutaca ¿ima horastaj?
Chapaj runa, cai tutaca ¿ima horastaj?” nishpa caparirca.
12Chapaj runaca:
“Ñallami pacarigrin, pacarishpapish utcami tutayanga.
Tapusha nishpaca cutin tapunaman tigramunguichijlla” nircami.
Arabia llajtata llaquichinata huillachishcami13Arabia llajta imalla tucunataca cashnami huillachishca:
Tandanacushpa caiman chaiman puricuj Dedancunalla.
Arabia llajta mapa q'uihuacuna pambacunapimi pacaringuichij.
14Yacunaihuan huañucujcunata tupanaman llujshichigari.
Tema llajtapi causajcuna, yacuta apashpa richigari.
Miticushpa ricujcunata micunahuan ayudaichigari.
15Paicunaca espadahuan huañuchigrijpimari callpacuncuna.
Lluchulla espadahuan huañuchigrijpimari miticugricuncuna.
Arcohuan shitanalla caticujpimari miticugricuncuna.
Jatun macanacuimantamari miticugricuncuna.
16Mandaj Diosca ñucamanca cashnami nirca: “Caimanta huatapica Cedar llajta alli nishca canaca shujpi shujpi trabajaj runapaj huatacuna shinallapimi utca shitashca saquiringa.
17Cedarpi mana huañushpa saquirij alli c'ari c'ari flechata shitajcunaca ashallami canga”. Mandaj Dios israelcunapaj Taita Diosmi chashna nirca.
Who We AreWhat We EelieveWhat We Do
2025 by iamachristian.org,Inc All rights reserved.
