1Mana cazushcacunata
perdonashcacuna, paicunapaj juchacunata tapachishcacunaca cushichishcami.
2Maijanpish ima umana yuyaita mana charijpica, paipica ima mana alli tiyashcata Mandaj Dios mana japishpaca paitaca cushichishcami canga.
3Mandaj Diosman ñuca juchacunata mana
huillashpaca, punllanta aij
nicunillami.
Ñuca tullucunaca
maucayashpami catin.
4Tutai punllami quiquinpaj maquica ñuca jahuapi
ashtahuan ashtahuan llashashpa catin.
Chaipica ñucaca verdijlla shina
cashpapish, usya punllapi chaquirij shinami tucurcani. Selah
5Mandaj Dios ñuca juchataca tucuitami quiquinman huillarcani.
Millaita rurashcacunataca imata mana pacarcanichu.
“Ñuca mana cazushcacunataca Mandaj Diosmanmi” huillarcani.
Mandaj Dios, millaita rurashpa ñuca juchallishcataca perdonarcanguimi. Selah
6Chaimantami quiquinpajlla cajcunaca manaraj llaquichijpi quiquintaca mañan.
Chaimi jatun yacu jundai shina shamushpapish,
paipajmanca mana chayanga.
7Mandaj Dioslla quiquinca ñuca miticunami cangui.
Ñuca llaquihuan cajpipish huaquichinguimi.
Llaquimanta llujshishca cashpa
cantana cantocunahuanmi ñucataca muyunchingui. Selah
8Shina nijpi Mandaj Diosca: Can mai ñancunallata purinataca ñucami entendichisha, ñucami yachachisha.
Ñuca ñahuitaca canmanta manataj
anchuchishachu.
9Ama caballo shina mana entendij caichu.
Mula shina mana entendisha nij ama caichu.
Chaicunallami anguhuan huatajpi, fierrota amullichijllapi cazuncuna.
Mana chashna rurajpica cambajmanca mana c'uchuyangachu.
10Mandaj Diosta mana manchajcunapajca achca nanaimi tiyanga.
Mandaj Diospi shunguta churajcunapajca, Taita Diospaj llaquishcahuan muyunchishcami canga.
11Cashcata rurajcuna, Mandaj Diospi cushicuichij.
Alli nishcacuna paillapi cushicuichij.
Ima pandata mana ruraj shunguyujcuna cushicuihuan cantaichij.
Who We AreWhat We EelieveWhat We Do
2025 by iamachristian.org,Inc All rights reserved.
