1Mandaj Dioslla, millai runacunamanta llujshichihuayari. Yallitaj millai rurajcunamanta huaquichihuayari.
2Paicunapaj shungupica millaita ruranallatami yuyaricunllacuna.
Paicunaca punllantami p'iñanacuillata churancuna.
3Paicunapaj c'alluca culebrapaj c'allu shina puntasapamari. Paicunapaj shimi ucupica víbora culebrapaj venenomi tiyan. Selah
4Mandaj Dioslla, quiquinta mana rijsijcunapaj maquipi urmanamanta huaquichihuayari.
Ñucata urmachingapaj yuyarinacucuj yallitaj millai runacunamanta llujshichihuayari.
5Jatun tucushcacunaca
urmachingapajmari linchitapish, huascatapish ñuca ñanpi churashcacuna. Ñuca ñan
c'uchupimari tsagnarishpa urmana huascata churashcacuna. Selah
6Mandaj Diostaca cashnami nircani: Quiquinca ñuca Taita Diosmari cangui.
Mandaj Dioslla ñuca rogarishpa mañashcata uyahuayari.
7Mandaj Dios, Jatun Dios tucuita rurai tucuj ñucata quishpichijmi.
Jatun macanacui punllapica ñuca umapaj c'ata tucushpami quishpichircangui.
8Mandaj Dioslla, quiquinta mana rijsijcunapaj munaicunataca ama saquihuaichu. Paicuna yuyarishcacunahuan ñaupajman rishpa jatun tucuchunca ama saquihuaichu. Selah
9Maipipish ñucata muyunchishpa llaqui tucushca canman nishpa paicunapaj shimihuan nishcacunaca paicunapaj uma jahuallapitaj urmashca cachun.
10Paicunapaj jahuapica nina brazusmi urmanga. Paicunaca lunyacuj ninapi shitashcami cangacuna.
Mana llujshi tucuipaj ucujta jatun jutcuman shitashcami cangacuna.
11C'allu cacharishca runaca cai allpapica mana sinchi cai tucungachu.
Yallitaj millai runacunataca llaquimi tucui tucuchinga.
12Llaquichishca cajcunata pi mana mitsajpica, Mandaj Dios mitsana cashcata yachanimi.
Ima illajlla cajcunata mitsaj cashcataca yachanimi.
13Cashcata rurajcunallamari quiquinpaj shutitaca alabangacuna.
Ima pandata mana rurajcunallamari quiquinpaj ñaupajpica causangacuna.
Who We AreWhat We EelieveWhat We Do
2025 by iamachristian.org,Inc All rights reserved.
