1Diosta mana rijsij millaita rurajta ricushpami ñuca shungupica:
“Paipica Diosta manchanaca mana tiyanchu” nini.
2Paica alli nishcami cana cani yuyanmi.
Pai millaita rurashcataca mana ricurinchu.
Paipaj juchaca mana ricuringachu yuyanmi.
Paitaca pi mana p'iñangachu yuyanmi.
3Paipaj shimipica, millaita rimana, umanallami tiyan.
Alli yuyaiyuj canata chingachishcami.
Allita runatapish saquishcami.
4Camapi cashpapish
millaita ruranallatami yuyarin.
Mana alli ñanllapi purinatami munan.
Millaitaca mana p'iñanchu.
5Mandaj Dios quiquinpaj llaquij cashcaca
jahua pachacunacamami chayan.
Quiquin pajtachij cashcaca p'uyucamami chayan.
6Mandaj Dios quiquin cashcata ruraj cashcaca Diospaj urcucuna shinami.
Quiquin llaquichinacunaca ucujta jutcu shinami.
Mandaj Dioslla, runacunatapish quiquinmi huaquichingui.
Animalcunatapish quiquinmi cuidangui.
7¡Taita Dioslla, quiquin llaquij cashcaca yallitaj sumajmari!
Chaimantami huañujlla aichayujcunaca,
quiquinpaj alas ucupi miticuncuna.
8Quiquinpaj huasipi tiyajcunahuanmi mana nijta carangui.
Quiquinpaj sumaj yacuta ubyachishpami cushichingui.
9Causaita cuj pugyu yacuca quiquinpimi.
Quiquinpaj luzpimi luzta ricui
tucunchij.
10Quiquinta rijsijcunamanca quiquin llaquij cashcata ricuchiyari.
Ima pandata mana yuyaj shunguyujcunamanca quiquin cashcata ruraj cashcata ricuchiyari.
11Jatun tucushcacuna jaitachunca ama saquihuaichu.
Diosta mana rijsijtaca maquita cuyuchichunllapish
ama saquihuaichu.
12Millaita rurajcunataca chaipimari urmachishca.
Manataj jatarichunmari urmachishca.
Who We AreWhat We EelieveWhat We Do
2025 by iamachristian.org,Inc All rights reserved.
