1Ñuca huauquicunalla, imalla rurashcataca shujtajcunata yalli ashtahuan Dios ricuchina cashcata yachashcamanta, cancunapuramantaca ama achcacuna yachachijcuna tucuichijchu.
2Tucuicunami achca cutin pandarinchij. Maijan imata rimashpapish mana pandarijca alli runami. Tucui cuerpotapish jarcari tucujmi.
3Riquichij, ñucanchijta cazuchunca caballocunapaj shimipica, frenotami churachinchij. Chaihuanmi paipaj tucui cuerpota cazuchinchij.
4Barcocunatapish ricuichij: Yallitaj jatuncuna cajpipish sinchi huairaca apanllami. Chashna rurajpipish, barcota pushajca uchilla timonllahuanmi pai maiman pushasha nishcaman pushan.
5Shinallataj cuerpopipish c'alluca uchillami. Shina cashpapish, ima imatapish yallihuan rimarinllami. Chashnallatajmi ¡uchilla ninapish, jatun sachata rupachin!
6Chai shinallatajmi c'allupish nina shina, cai pachapaj millaicunata rimanlla. C'allutaca ñucanchij cuerpopi caj miembrocunapurapi churashcami. Chaimi Dios rurashca cuerpotaca tucui causaipi mapayachin, rupachin. C'alluca ucu pacha nina rupacuj shinami.
7Tucui laya sacha animalcunata, pajarocunata, culebracunata, mama cuchapi causajcunatapish runaca mansoyachi tucunmi. Chaicunataca mansoyachishcami.
8Ashtahuanpish c'allutaca, pi runa mana mansoyachi tucunchu. C'alluca mana jarcaipaj millaimi, huañuchij venenohuan jundami.
9Chai c'alluhuanmi Dios Yayataca, allimari cangui ninchij. Chaillahuantajmi Diosman rijchajta rurashca gentecunatapish, llaqui tucushca canman ninchij.
10Chai shimillamantatajmi alli nishcapish, mana alli nishcapish llujshin. Ñuca huauquicunalla, chashna canaca mana allichu.
11¿Shuj pugyullamantaca mishqui yacupish, jayaj yacupish llujshinchari?
12Ñuca huauquicunalla, higo yurapish aceitunata, uva yurapish higocunataca ¿p'ucunchari? Shinallataj maijan pugyupish cachi yacuta, mishqui yacutaca mana cui tucunchu.
Yachaisapa canaca jahua pachamantami nishcami13¿Maijantaj cancunapuramantaca yachaisapa, yuyaisapa canguichij? Yachaj, manso shungu cashcataca, alli causashpa, allicunata rurashpa ricuchingui.
14Ashtahuanpish huañurishpa p'iñarinata, cambaj shungupi shujtajcuna shina canatapish charishpaca, ama jatun tucunguichij. Manapish chashna cashcataca ama llullanguichij.
15Chashna yuyaica, jahua pachamantaca mana shamunchu. Chaica cai pachamanta, gentecunamanta, diablomantami shamun.
16Huañurinacuna shujtajcuna shina cana tiyanpica, pandarinacuna, mana alli ruraicunallami chaipica tiyan.
17Jahua pachamanta yachaj canaca ashtahuanca chuya cana, chai q'uipaca sumajta causana, c'uyaj cana, mana p'iñarij cana, llaquij cana, allita rurashca granoshcahuan junda canami shamun. Chashna cashpaca nij tucuj cana, mishqui shimi jayaj shungu cana illajllami.
18Shujtajcunahuan sumajta causanata mashcajcunamanca Diosmi sumaj causaita, cashcata ruraj canata cunga.
Who We AreWhat We EelieveWhat We Do
2025 by iamachristian.org,Inc All rights reserved.
