1 CRÓNICAS 9 - Quichua Chimborazo Bible

1Israelcunataca paicunapaj punta yayamanta callarishpa huashan huashan mashna cashcata yupashpaca, Israel llajtata jatun mandajcunapaj librocunapimi quillcashpa churashca. Judacunaca Diosta c'ariyashcamantami Babilonia llajtaman prezu apashca carcacuna.

Babiloniamanta Jerusalenman tigrashcacunami(Neh 11.1-24)

2Babiloniamanta tigramushpa paicunapaj allpacunapi, paicunapaj pueblocunapi punta causai callarijcunaca Israelcuna, curacuna, levitacuna, Diospaj huasipi Diospajta rurajcunami carcacuna.

3Jerusalenpica Judapaj huahua huahuacuna, Benjaminpaj huahua huahuacuna, Efrainpaj huahua huahuacuna, Manasespaj huahua huahuacunami tigrashpa causai callarircacuna.

4Judapaj huahua huahuapuracunamantaca, Utai runami shamurca. Utaica Amiudpaj churimi. Amiudca Omripaj churimi. Omrica Imripaj churimi. Imrica Bani runapaj churimi. Bani runaca Farespaj huahua huahuapurami carca. Faresca, Judapaj churimi carca.

5Silomitacunapuramantaca, punta churi Asaiasmi, paipaj churicunandij tigramurca.

6Zerapaj huahua huahuapuramantaca, Jeuel runami paipaj huauquicunandij shamurca. Tucuimantaca 690 runacunami tigramurcacuna.

7Benjaminpaj huahua huahuapuramantaca, Salú runami shamurca. Saluca Mesulampaj churimi. Mesulamca Hodaviaspaj churimi. Hodaviasca Asenuapaj churimi carca.

8Shinallataj Jerohampaj churi Ibneiaspish, Uzipaj churi Ela runapishmi shamurcacuna. Uzica Micripaj churimi. Sefatiaspaj churi Mesulampishmi shamurca. Sefatiasca Reuelpaj churimi. Reuelca Ibniaspaj churimi carca.

9Chai huahua huahuapurallataj cajcunaca, 956 runacunami shamurcacuna. Tucui paicunaca ñaupa yayacunamanta mirarishca quiquin familiacunata mandajcunami carca.

10Curacunapuramantaca Jedaías, Joiarib, Jaquín,

11Azarías shuti curacunami shamurcacuna. Azariasca Hilciaspaj churimi. Hilciasca Mesulampaj churimi. Mesulamca Sadocpaj churimi. Sadocca Meraiotpaj churimi. Meraiotca Ahitobpaj churimi carca. Ahitobca Diospaj huasipi, Diospajta ruraj curacunata mandaj curami carca.

12Shinallataj Adaía curapishmi shamurca. Adaiaca Jerohampaj churimi. Jerohamca Pasurpaj churimi. Pasurca Malquiaspaj churimi. Adielpaj churi Masai curapishmi shamurca. Adielca Jazerapaj churimi. Jazeraca Mesulampaj churimi. Mesulamca Mesilemitpaj churimi. Mesilemitca Imerpaj churimi carca.

13Chai huahua huahuapurallataj caj, 1.760 curacunapishmi shamurcacuna. Tucui paicunami paicunapaj ñaupa yayacunamanta mirarishca quiquin familiacuna mandajcuna carca. Paicunaca tucuicunallatajmi, Diospaj huasipi imalla rurana cashcataca chaitataj rurajcuna carca.

14Levitacunapuramantaca, Hasubpaj churi Semaiasmi shamurca. Hasubca Azricampaj churimi. Azricamca Hasabiaspaj churimi. Hasabiasca Meraripaj huahua huahuapurami carca.

15Bacbacar, Heres, Galal, Matanías shuti levitacunapishmi shamurcacuna. Mataniasca Micaiapaj churimi. Micaiaca Zicripaj churimi. Zicrica Asafpaj churimi carca.

16Semaiaspaj churi Obadiaspishmi tigramurca. Semaiasca Galalpaj churimi. Galalca Jedutunpaj churimi. Asapaj churi Berequiaspishmi tigramurca. Asaca Elcanapaj churimi carca. Elcanaca netofatitacuna causan muyundij llajtacunapimi causarca.

17Pungupi cuidajcunapuramantaca Salum, Acub, Talmón, Ahimán shuti runacunapish paicunapaj huauquicunandijmi tigramurcacuna. Salumca paicunata mandajmi carca.

18Diospaj huasiman jatun mandaj yaicuna pungupi cuidajcunaca cunancama paicunallatajmi. Chai levitacunaca inti llujshin ladopi caj pungupimi, cuidajcuna carca.

19Salumpish, paipaj yaya Corepaj caishuj huahuacunapish Diospaj huasiman yaicuna pungucunapi cuidajcunami carca. Paicunapaj ñaupa yayacunapish, Mandaj Dioshuan tupangapaj tandanacuna carpa huasi pungupi cuidashpami imalla rurana cashcata chaitataj rurajcuna carca. Salumca, Corepaj churimi. Coreca Ebiasafpaj churimi. Ebiasafca Corepaj churimi carca.

20Diospaj huasita ñaupa cuidajcunata mandajca, Eleazarpaj churi Fineesmi carca. Mandaj Diosca Fineeshuanmi carca.

21Meselemiaspaj churi Zacariasca, Mandaj Dioshuan tupangapaj tandanacuna carpa huasi pungupi cuidajmi carca.

22Diospaj huasi pungupi cuidajcuna cachun agllashcacunaca tucui chaicunami carca. Paicunapaj ñaupa yayacunamanta mirarishcacunata paicunapaj llajtacunapi yupajpica 212 runacunami carca. Chaicunataca Davidhuan Dios huillachishcata huillaj Samuelhuanmi cuidajcuna cachun churarcacuna.

23Chashnami paicunapish, paicunapaj huahua huahuacunapish, Mandaj Diospaj huasi pungupipish, Mandaj Diospaj carpa huasi pungupipish huashan huashan cuidajcuna carca.

24Pungupi cuidajcunaca chuscu ladomanmi carcacuna. Inti llujshin ladomanpish, inti huashicun ladomanpish, janaj ladomanpish, ura ladomanpishmi cuidajcuna carca.

25Paicuna causan muyundij llajtacunapi causacuj paicunapaj huauquicunami paicuna cuidaj cashca shinallataj huashan huashan cada canchis punllapi paicunata ayudashpa cuidangapaj shamujcuna carca.

26Pungupi cuidajcunata mandajcunaca chuscu levitacunami carca. Paicunaca Diospaj huasi ucucunatapish, Diospaj huasi ucupi tiyaj achca valijcunatapish cuidajcunami carca.

27Paicunaca Diospaj huasita cuidanataj cashcamanta, tutamantacunapish pungucunata pascana cashcamantami Diospaj huasi muyundijllapitaj causajcuna carca.

28Paicunamanta maijancunaca, Diospajta ruranapaj imalla cajcunata cuidajcunami carca. Chai charinacunataca, paicunami yupashpa cujcuna carca. Huaquichingapajpish, yupashpallatajmi chasquijcuna carca.

29Shujcunaca Diospaj huasipi tiyaj platocunata, tucui imalla charinacunata, cutata, vinota, aceiteta, inciensota, mishquijllata ashnacujcunatapish cuidajcunami carca.

30Curacunapaj maijan churicunaca mishquijllata ashnacujcunata rurajcunami carca.

31Levitacunapuramanta Matatiasca Corepaj huahua huahuapura Salumpaj punta churimi carca. Paica Diosman cushcacunata sartenpi cusajmi carca.

32Coatpaj huahuacunamanta maijancunaca Coatpaj huauquicunandijmi samana punllacunapi Diosman cushpa mezapi filajllata churana tandacunata rurajcuna carca.

33Shinallataj cantajcunapish, levita familiacunata mandajcunapishmi tiyarca. Paicunaca Diospaj huasi muyundijpi caj ucucunapimi causajcuna carca. Paicunaca tutapish punllapish chaipi Diosta cantana cashcamantami, ima shujtajtaca mana rurai tucujcuna carca.

34Tucui chaicunami paicunapaj ñaupa yayacunamanta mirarishca quiquinpura levitacunata mandajcuna carca. Chai mandajcunaca Jerusalenpimi causarcacuna.

Saulpaj familiacunami(1 Cr 8.29-40)

35Gabaonpica, Gabaonpaj yaya Jehiel runami causarca. Paipaj huarmica Maaca shutimi carca.

36Punta churica, Abdonmi carca. Q'uipa churicunaca Zur, Cis, Baal, Ner, Nadab,

37Gedor, Ahío, Zacarías, Miclot shuticunami carca.

38Miclotca, Simeam shuti churitami charirca. Tucui paicunami Jerusalenllapitaj, paicunapaj huauquicunapaj ch'imbapurapi causarcacuna.

39Nerca Cis churitami charirca. Cisca Saúl churitami charirca. Saulca: Jonatán, Malquisúa, Abinadab, Es-baal shuti churicunatami charirca.

40Jonatanpaj churica, Merib-baalmi carca. Merib-baalca Micaía churitami charirca.

41Micaiapaj churicunaca: Pitón, Melec, Tarea, Acaz shuticunami carca.

42Acazca Jara shuti churitami charirca. Jaraca: Alemet, Azmavet, Zimri shuti churicunatami charirca. Zimrica Mosa shuti churitami charirca.

43Mosa runaca Bina shuti churitami charirca. Binaca Refaiaspaj churimi carca. Refaiasca Elasapaj churimi carca. Elasaca Azelpaj churimi carca.

44Azelca, sujta churicunatami charirca. Paicunaca: Azricam, Bocru, Ismael, Searías, Obadías, Hanán shuti churicunami carca. Chaicunaca Azelpaj churicunami carca.