1Chaimantami cai ruranataca, Dios ñucanchijta llaquishpa cushcata chasquishcamantaca mana shaicurinchij.
2Ashtahuanpish tucui ima pacalla pinganayaj ruranataca saquircanchijmi. Mana umashpa purishpami, Diospaj Shimitaca mana chagrushpa ashtahuanpish tucuita mana llullashpa huillarcanchij. Diospaj ñaupajpi ñucanchij ima shina cashcata, cancunapaj yuyaillapitaj ricuchunmi mingarinchij.
3Ashtahuanpish ñucanchij alli huillaica tapashca shinaraj cashpaca, chingarinaman rijcunapajllami chashna tapashca shinaca.
4Cristopaj sumaj alli huillai luz ama achijyachichunmi, cai pachapaj diosca mana crijcunapaj yuyaicunataca tapashca. Cristoca, Dios ima shina cajta ricuchijmi.
5Ñucanchijca mana ñucanchij quiquinmantachu huillacunchij, ashtahuanpish Jesucristoca Mandaj cashcata, ñucanchijca Jesuspaj c'uyaihuan cancunapajta rurajcuna cashcatami huillacunchij.
6Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.
Crishcamantami causanga7Tucuita rurai tucunaca Diosmanta shamuj cashcata, mana ñucanchijmanta cashcata ricuchingapajmi, cai sumaj allitaca allpa vasocuna shinalla ñucanchij cuerpopi charicunchij.
8Tucuipi llaquichishcacunami canchij, shina cashpapish mana yallitaj llaquirinchijchu. Musparishca shina cashpapish, mana llaquirishcalla canchijchu.
9Catirashpa llaquichishcacunami canchij, ashtahuanpish mana shitashcatajchu canchij. Urmachishcacunami canchij, ashtahuanpish ñutuchishcacunaca mana canchijchu.
10Ñucanchij cuerpopi Jesusca causacushcata ricuchingapajmi, maita rishpapish ñucanchij cuerpopi llaquita apashpa, Jesús huañushcataca ricuchicunchijlla.
11Jesús causarishcapish ñucanchij huañunalla cuerpopi ricurichunmi Jesusmantaca, cai causaipica huañunalla puricunchij.
12Chashnami huañuica ñucanchijtaca catiracun, ashtahuanpish cancunaca causaiyujmari canguichij.
13Quillcachishcapica: “Crircanimi, chaitami huillarcani” ninmi. Ñucanchijpish crishpami, chaita huillacunchij.
14Mandaj Jesusta causachij Taita Diosllataj ñucanchijtapish, Jesusta shinallataj causachishpa, cancunandij paipaj ñaupajman pushana cashcataca yachanchijmi.
15Taita Dios mana c'uyaipajta c'uyashcata achcacuna chasquishpa, achcacunallataj paita jatunmari cangui nishpa pagui nichunmi, cancunata c'uyashcamanta cai tucui llaquicunataca apacunchij.
16Chaimantami saquishalla mana ninchij. Ashtahuanpish ñucanchij jahua aicha maucayacujpipish, ucu yuyaica punllantami ashtahuan ashtahuan mushujyashpa caticun.
17Cunan caipi tucurijlla llaquicunata apanaca, tucuimanta yalli valij huiñai causayuj cashcatami ricuchicun.
18Ñucanchijca imapish ricunallacunataca, mana ricuracunchijchu. Ashtahuanpish mana ricushcacunapi yuyaimi canchij. Imapish ricunallacunaca ashacamallami, shina cajpipish mana ricushcacunaca huiñaipajmi.
Who We AreWhat We EelieveWhat We Do
2025 by iamachristian.org,Inc All rights reserved.
