1Mandaj Dioslla, quiquinta
alabanaca allimari.
Jahua pacha Taita Dioslla, quiquinpaj shutita
salmocunata cantanaca allimari.
2Quiquin llaquij cashcataca cada tutamantami huillani.
Quiquin pajtachij cashcataca cada tutami huillani.
3Chunga cuerdayuj tocanapi, salteriopi,
tocashpa cantanaca allimari.
Arpapi sumajta tocashpa cantanapish allimari.
4Mandaj Dioslla, quiquin rurashcacunami
ñucataca cushichin. Quiquinpaj maquihuan rurashcacunapimi ñucaca cushicuni.
5¡Mandaj Dioslla, quiquin rurashcacunaca
tucuita yalli jatunmari!
Quiquinpaj yuyaica yallitaj mana jahuallamari.
6Rumi shungu runaca, chaitaca mana
yachanchu.
Ch'ahuanyashca runapish chaitaca mana entendinchu.
7Diosta mana rijsijcunaca q'uihua shina yallitaj huiñashpapish huiñaipaj chingachishca canapajllami.
Millaita tucui rurajcunaca mana jahualla sumajtami sisan.
Ashtahuanpish huiñaipaj chingachishca canapajllamari.
8Ashtahuanpish quiquin Mandaj Diosmi huiñaipaj jahua pachapi caj cangui.
9Mandaj Dioslla, quiquinta p'iñajcunaca caipimari.
Quiquinta p'iñajcunaca chingaringapajllamari.
Millaita rurajcunataca
tucuicunatami urajta janajta cachashca canga.
10Quiquinmi ñucamanca fuerzata mirachingui.
Sacha huagra shina fuerzayujtami rurangui.
Cunanlla rurashca aceitehuan churashpa ch'icanchishcami casha.
11Ñucata p'iñajcunataca ñuca ñahuica ricungami.
Ñucata p'iñashpa jatarijcuna aij nicujtapish ñuca rinrintajmi uyanga.
12Ashtahuanpish cashcata rurajca, palmera yura sisaj shinami sisanga.
Líbano urcupi cedro yura huiñaj shinami huiñanga.
13Mandaj Diospaj huasipi
tarpushcacunamari.
Ñucanchij Taita Diospaj huasi canllapimi
sisanga.
14Yuyaj cashpapish,
miraricungarajmi.
Fuerzasapa, verdijllacunami
cangacuna.
15Paicunaca: “Ñucanchijman fuerzata cuj
Mandaj Diosca imata mana pandajchu.
Paipica cashcata mana ruranaca mana tiyanchu”
nishpa huillangapajmi chashna canga.
Who We AreWhat We EelieveWhat We Do
2025 by iamachristian.org,Inc All rights reserved.
