1Israelcuna Egiptomanta llujshimushpa, maillapi carpa huasicunata shayachishpa shamushcaca cashnami: Paicunaca cada aillumi soldadocuna shina cada mirga, mirga Moiseshuan, Aaronhuan mandashca shamurca.
2Moisesca Mandaj Dios mandashca shinami israelcuna maimanta llujshimushcata, maillata shamushcata quillcarca. Paicuna maimanta llujshimushca, maillata shamushcaca cashnami:
3Israelcunaca Egiptopi caj Ramesés pueblomantaca, huata callari punta quillapi, chai quillapaj chunga pichca punllapimi llujshimurcacuna. Paicunaca Pascua cayandij punllami tucuita rurai tucuj maquihuan llujshichijpi egipciocuna ricucujllapitaj llujshimurcacuna.
4Israelcuna llujshimucui punllaca egipciocunaca Mandaj Dios paicunapaj punta churicunata huañuchishcatami pambacurcacuna. Chashna rurashpami Mandaj Diosca egipciocunapaj dioscunaca yangalla cashcata ricuchirca.
5Israelcunaca Egiptopi caj Ramesés pueblomanta llujshimushpaca, Sucotpimi carpa huasicunata shayachishpa tiyarircacuna.
6Sucotmanta rishpaca, shitashca pambapaj lindecuna c'uchullapi caj Etam pambapimi carpa huasicunata shayachishpa tiyarircacuna.
7Etammanta rishpaca, Baal-zefonmanta inti llujshin ladoman caj Pi-hahirot ladoman muyushpa rishpami, Migdol ch'imbapurapi carpa huasicunata shayachishpa tiyarircacuna.
8Pi-hahirotmanta rishpaca, Puca Cuchata ch'imbashpami, shitashca pambaman chayarcacuna. Etam shuti shitashca pambataca quimsa punllata purishpami, Maraman chayashpa carpa huasicunata shayachishpa tiyarircacuna.
9Maramanta rishpaca, Elimmanmi chayarcacuna. Chaipica chunga ishqui pugyucuna, canchis chunga palmera yuracunami tiyarca. Chaipimi carpa huasicunata shayachishpa tiyarircacuna.
10Elimmanta rishpaca, Puca Cucha c'uchupimi carpa huasicunata shayachishpa tiyarircacuna.
11Puca Cucha c'uchumanta rishpaca, Sin nishca shitashca pambaman chayashpami, carpa huasicunata shayachishpa tiyarircacuna.
12Sin nishca shitashca pambamanta rishpaca, Dofcaman chayashpami, carpa huasicunata shayachishpa tiyarircacuna.
13Dofcamanta rishpaca, Alusman chayashpami, carpa huasicunata shayachishpa tiyarircacuna.
14Alusmanta rishpaca, Refidimman chayashpami, carpa huasicunata shayachishpa tiyarircacuna. Chaipica yacuca mana tiyarcachu. Chaimi israelcunaca imata mana ubyai tucurcacuna.
15Refidimmanta rishpaca, Sinaí shuti shitashca pambaman chayashpami, carpa huasicunata shayachishpa tiyarircacuna.
16Sinaí shuti shitashca pambamanta rishpaca, Kibrot-hataavaman chayashpami, carpa huasicunata shayachishpa tiyarircacuna.
17Kibrot-hataavamanta rishpaca, Hazerotman chayashpami, carpa huasicunata shayachishpa tiyarircacuna.
18Hazerotmanta rishpaca, Ritmaman chayashpami, carpa huasicunata shayachishpa tiyarircacuna.
19Ritmamanta rishpaca, Rimón-peres shuti pambaman chayashpami, carpa huasicunata shayachishpa tiyarircacuna.
20Rimón-peresmanta rishpaca, Libnaman chayashpami, carpa huasicunata shayachishpa tiyarircacuna.
21Libnamanta rishpaca, Rissaman chayashpami, carpa huasicunata shayachishpa tiyarircacuna.
22Rissamanta rishpaca, Ceelataman chayashpami, carpa huasicunata shayachishpa tiyarircacuna.
23Ceelatamanta rishpaca, Sefer urcuman chayashpami, carpa huasicunata shayachishpa tiyarircacuna.
24Sefer urcumanta rishpaca, Haradaman chayashpami, carpa huasicunata shayachishpa tiyarircacuna.
25Haradamanta rishpaca, Macelotman chayashpami, carpa huasicunata shayachishpa tiyarircacuna.
26Macelotmanta rishpaca, Tahatman chayashpami, carpa huasicunata shayachishpa tiyarircacuna.
27Tahatmanta rishpaca, Taraman chayashpami, carpa huasicunata shayachishpa tiyarircacuna.
28Taramanta rishpaca, Mitcaman chayashpami, carpa huasicunata shayachishpa tiyarircacuna.
29Mitcamanta rishpaca, Hasmonaman chayashpami, carpa huasicunata shayachishpa tiyarircacuna.
30Hasmonamanta rishpaca, Moserotman chayashpami, carpa huasicunata shayachishpa tiyarircacuna.
31Moserotmanta rishpaca, Bene-jaacanman chayashpami, carpa huasicunata shayachishpa tiyarircacuna.
32Bene-jaacanmanta rishpaca, Gidgad urcuman chayashpami, carpa huasicunata shayachishpa tiyarircacuna.
33Gidgad urcumanta rishpaca, Jotbataman chayashpami, carpa huasicunata shayachishpa tiyarircacuna.
34Jotbatamanta rishpaca, Abronaman chayashpami, carpa huasicunata shayachishpa tiyarircacuna.
35Abronamanta rishpaca, Ezión-geberman chayashpami, carpa huasicunata shayachishpa tiyarircacuna.
36Ezión-gebermanta rishpaca, Zin nishca shitashca pambapi caj Cades puebloman chayashpami, carpa huasicunata shayachishpa tiyarircacuna.
37Cadesmanta rishpaca, Edom llajtapaj lindepi caj Hor shuti urcuman chayashpami, carpa huasicunata shayachishpa tiyarircacuna.
38Chaipimi Aarón curaca, Mandaj Dios mandajpi Hor shuti urcuman huichiyashpa chaipi huañurca. Chai punllacamaca israelcuna Egiptomanta llujshimushcaca, ñami chuscu chunga huatacuna tucugrirca. Huatapaj pichca quilla, chai quillapaj punta punllapimi huañurca.
39Aaronca, 123 huatacunayuj cashpami, Hor shuti urcupi huañurca.
40Canaanpi caj Neguevpica, Arad shuti pueblomi tiyarca. Chai pueblopi cashpami cananeocunata jatun mandajca israelcuna shamucun nijta uyarca.
41Hor shuti urcumanta rishpaca, Zalmonaman chayashpami, carpa huasicunata shayachishpa tiyarircacuna.
42Zalmonamanta rishpaca, Punonman chayashpami, carpa huasicunata shayachishpa tiyarircacuna.
43Punonmanta rishpaca, Obotman chayashpami, carpa huasicunata shayachishpa tiyarircacuna.
44Obotmanta rishpaca, Moab llajtapaj linde c'uchupi caj Ije-abarimman chayashpami, carpa huasicunata shayachishpa tiyarircacuna.
45Ije-abarimmanta rishpaca, Dibón-gadman chayashpami, carpa huasicunata shayachishpa tiyarircacuna.
46Dibón-gadmanta rishpaca, Almón-diblataimman chayashpami, carpa huasicunata shayachishpa tiyarircacuna.
47Almón-diblataimmanta rishpaca, Nebo urcumanta inti llujshin ladoman caj Abarim urcucunaman chayashpami, carpa huasicunata shayachishpa tiyarircacuna.
48Abarim urcucunamanta rishpaca, Jericó urcumanta inti llujshin ladoman caj Jordán yacu c'uchupi caj Moab pambaman chayashpami, carpa huasicunata shayachishpa tiyarircacuna.
49Jordán yacu c'uchupi caj Moab pambapica, israelcunaca Bet-jesimot pueblomanta callarishpaca, Abel-sitim pueblocamami carpa huasicunata shayachishpa tiyarircacuna. Chashna shamunataca chaipimi tucuchirca.
Canaán llajtaman yaicushpa imallata rurachun mandashcami50Mandaj Diosca Jericomanta inti llujshin ladoman caj Jordán yacu c'uchupi caj Moab pambapi Moisesta mandashpaca cashnami nirca:
51“Israelcunataca cashna ni: Jordán yacuta ch'imbashpa Canaanman ña yaicushpaca,
52chai llajtapi causajcunataca, cancunapaj ñaupajmantaca tucuita anchuchinguichij. Rumimanta rurashca dioscunatapish, fierrota yacuyachishpa imamanpish rijchaj paicunapaj dioscunatapish tucuita ñutunguichij. Lomacunapi rurashca paicunapaj altarcunatapish tucuita ñutunguichij.
53Chai llajtapi causajcunata anchuchishpa chaipica cancuna causanguichij. Chai llajta cancuna quiquinpaj cachun ñucami cancunaman curcani.
54Chai llajtataca sorteashpa, cada familia ima shina cashca shinallataj japinguichij. Achca cajmanca achcata cunguichij. Ashalla cajmanca ashallata cunguichij. Sorteajpi maipimi urman, chaitataj cunguichij. Cancunapaj yayacunamanta mirarishca aillucuna ima shina cashca shinallataj japinguichij.
55Chai llajtapi causajcunata cancunapaj ñaupajmanta tucuita mana anchuchijpica, cancuna mana anchuchijpi saquirijcunaca, cancunapajca ñahuipi ujsha yaicushpa tujsicuj shina, cancunapaj huijsa quinricunapi casha tujsicuj shinami canga. Chashna rurashpaca cancunaman cushca llajtapi cancuna causai callarijpica llaquichingami.
56Paicunata ima shina rurasha nishca shinallatajmi cancunatapish rurasha”.
Who We AreWhat We EelieveWhat We Do
2025 by iamachristian.org,Inc All rights reserved.
