1Ñuca almalla, Mandaj Diosta alabayari.
2Ñuca causaipica Mandaj Diostami alabasha.
Ñuca causashcacamaca ñuca Taita Diostami salmocunata cantasha.
3Mandajcunapica ama shunguta churaichu.
Huañujlla runacunapipish ama shunguta churaichu.
Paicunapica quishpirinaca mana tiyanchu.
4Paipaj samai anchujpica allpaman tigranllami.
Chai punllallatajmi pai imata yuyarishcacunapish chingarin.
5Jacobpaj Taita Dios ayudashca runaca cushichishcami.
Paica Mandaj Taita Diospimi shunguta churan.
6Paimari jahua pachatapish, cai pachatapish rurarca.
Mama cuchatapish, tucui chaipi imalla tiyajcunatapish paimari rurarca.
Pai mana llullaj cashcataca huiñaipaj huaquichijmi.
7Paica llaquichishcacunapaj cashcata rurajmi.
Yaricaihuan cajcunaman carajmi.
Mandaj Diosca prezu cajcunata cacharichijmi.
8Mandaj Diosca mana ricujcunapaj ñahuita pascajmi.
Mandaj Diosca urmashcacunata jatarichijmi.
Mandaj Diosca cashcata rurajcunata c'uyajmi.
9Mandaj Diosca caru llajtamanta cajcunata huaquichijmi.
Yaya mama illajcunamanpish, viudacunamanpish ima illashcata cujmi.
Millaicunapaj ñanta chingachijmi.
10Mandaj Diosca huiñai huiñaitami mandanga.
Sionlla, cambaj Diosca huahua huahuacunata mandangacungallami.
¡Mandaj Diosta alabaichigari!
Who We AreWhat We EelieveWhat We Do
2025 by iamachristian.org,Inc All rights reserved.