1Tucuimanta yallica caitami yuyachini. Taita Diosta mañashpa rogaichij, tucui gentecunamanta mañashpa pagui nichij.
2Jatun mandajcunamanta, tucui laya mandajcunamantapish casilla causangapaj, tucui imapipish llaqui illaj, Taita Dios yuyailla, alli cangapajca Taita Diosta mañaichij nishpa yachachingui.
3Ñucanchijta quishpichij Diosca, chashna rurajtami munan.
4Diosca tucui runacuna quishpirichun, mana llullata yachaj chayachunpishmi munan.
5Shujlla Diosmi tiyan. Runacunamanta Dioshuan, Diosmanta runacunahuan rimajpish shujllami: Paica, runa aichayuj Jesucristomi.
6Paillataj curishpami, tucuicunata randishpa cacharichirca. Chaitaca Taita Dios rurasha nishca punlla pajtajpimi ricuchirca.
7Chaita huillachun churashca apostolmi cani. Mana judiocunaman mana llulla crinata yachachij cachun churashcami cani. Chaitami Cristomantaca, mana llullashpa huillani.
8Runacunaca jucha illaj maquicunata chutashpa, mana p'iñarishca, mana p'iñanacushca yuyaihuan maipi cashpapish, Taita Diosta mañachunmi munani.
9Shinallataj huarmicunapish sumaj churanacunata churarishpaca, ama pinganayajta maipish cachun churarichun: Ajchatapish ama maipish cachun allichirichun, curitapish, perlatapish, achca valij churanacunatapish ama churarichun.
10Chaipaj randica allicunata rurashpa, Diosta yuyarij huarmicuna rurana cashca shinallataj rurachun.
11Huarmica tucui yachachishcata upajlla uyashpa, tucuita cazuchun.
12C'arita huarmi yachachij cachun, mandaj cachunca mana mandanichu. Ashtahuanpish upajlla cachun.
13Puntaca Adantami rurashca carca. Chai q'uipami, Evata rurashca.
14Shinallataj mana Adantachu umashca carca. Ashtahuanpish huarmimi umashca tucushpa, mandashcata p'aquirca.
15Chaimanta huahuacunayuj tucushpa, crinapi, c'uyaipi, jucha illajyashpa mana maipish cachun causashpaca quishpiringami.
Who We AreWhat We EelieveWhat We Do
2025 by iamachristian.org,Inc All rights reserved.
