1Huajcha runa yuyailla cajca cushichishcami.
Paitaca llaqui punllapica Mandaj
Diosmi llaquimanta llujshichinga.
2Paitaca Mandaj Diosmi huaquichinga.
Paimi causaita cunga.
Cai allpapipish cushichishcami canga.
Paita p'iñajcuna paicuna munashcata rurachunpish paicunamanca mana cunguichu.
3Camapi nanaihuan cajpipish, Mandaj Diosmi fuerzata cunga.
Ungushca siricujpipish, camataca ñutujllatami ruranga.
4Ñucaca: “Mandaj Dioslla, ñucata llaquihuayari.
Ñuca almata alliyachihuai.
Quiquinta p'iñachishpami juchallishcani” nircanimi.
5Ñucata p'iñajcunaca ñucataca llaqui tucushca canman nincunami.
“Cai runaca ¿ima horastaj huañungari, ima horastaj paipaj shutica chingaringari”? nishpami tapunacuncuna.
6Ñucata ricunaman shamushpapish llullashpallami parlancuna.
Paicunapaj llaquipajllatajmi paicunapaj shungupica, millai yuyaicunata japincuna.
Canllaman llujshishpaca, chaitami tucuicunaman
huillancuna.
7Ñucata llaquichingapajmi
tandanacushpa huashalla
parlanacuncuna.
Tucui ñucata p'iñajcunami chashna parlanacuncuna.
Ñucata llaquichingapajca cashnami yuyarincuna:
8“Paitaca millaimari macashca.
Chai ungüimari tucuita tapashca.
Chai ungüihuan camapi siricujca manataj jataringachu” nincunami.
9Ñucahuan alli apanacuj runa, ñuca paipi shunguta churashca runa, ñuca micunata micujllatajmi, ñucata p'iñashpa chaqui talonhuan jaitarca.
10Shina cajpipish Mandaj Dioslla, quiquinca
ñucata llaquihuayari.
Ñucata jatarichihuayari.
Paitapish chashnallataj rurangapaj.
11Ñucata p'iñaj ñucamanta cushicuchun ama saquihuaichu.
Chaimi ñucaca quiquin munashca cashcata yachasha.
12Ñucaca tucuipi allimi carcani.
Ñucataca quiquinpaj maquipi charihuai.
Ñucataca quiquinpaj ñaupajpi huiñaipaj cachunmi churahuashcangui.
13Mandaj Diostaca alli nishca cachun.
Israelcunapaj Diostaca
huiñai huiñaita alli nishca cachun.
Chashna cachun. Chashna cachun.
Who We AreWhat We EelieveWhat We Do
2025 by iamachristian.org,Inc All rights reserved.
