1Jobca cashna nishpami cutichirca:
2Cunanpish huacashpami rimasha nini.
Ñuca carachaca jatunta caparinatamari nanacun.
3¡Taita Dios maipi cashcata maijanpish
huillajpica, ñucaca paipaj tiyana
ñaupajmanchari riman!
4Paipaj ñaupajpica, ñuca imalla
huillasha nishcatami huillaiman.
Ñuca shimihuanca imatapish nimanmi.
5Pai imalla cutichishcatami yachaiman.
Pai imalla nishcahuanmi yuyaita japiman.
6¿Ñucataca sinchita rimashpachu
cutichinman imatajshiyari?
Mana, ashtahuanpish paica ñucataca
uyanmanllami.
7Cashcata rurajca paihuan chaipimi
paihuan yuyaita japinman.
Ñucaca juezpaj ñahuipica, cutinca
manataj ricurigrimanchu.
8Chashna yuyashpapish inti llujshinman
rishpapish, paitaca manataj japishachu,
inti huashicunman rishpapish manataj
tupashachu.
9Pai poderta janajman ricuchijpipish,
mana ricushachu.
Uraman paca tucujpi mana ricushachu.
10Ashtahuanpish paica ñuca causaitaca,
tucuitami rijsin.
Pai ñucata ima shinapish ricujpica,
curi shinami llujshisha.
11Ñucaca pai sarushcapimi sarushpa
catircani.
Pai mandashcatapish huaquichircanimi.
Paimantaca manataj caruyarcanichu.
12Paipaj shimihuan mandashcamantaca,
shuj cutinllapish manataj caruyarcanichu.
Paipaj shimicunataca, ñuca micunatapish
yallimi chai yuyai causarcani.
13Ashtahuanpish pai imata rurasha nishcataca
¿pitaj shujtajyachingari?
Pai munashcatami rurarca.
14Ñucata imallata rurasha nishcataca,
tucuitami pajtachinga.
Paica cai shina ruranacunataca,
achcatami charin.
15Chaimantami paipaj ñaupajpica,
ñucaca mancharini.
Pai ima shina cashcata yuyarishpaca
chujchunimi.
16Taita Diosmi ñuca shungutaca
manchachirca.
Tucuita Rurai Tucuj Diosmi ñucataca
muspachirca.
17¿Ima nishpataj amsallapitaj mana
huañurcaniyari?
¿Ima nishpataj ñuca ñahuitaca,
amsahuan mana tapachircari?
Who We AreWhat We EelieveWhat We Do
2025 by iamachristian.org,Inc All rights reserved.
