1Llajtata mandajcunata, pueblopi mandajcunatapish cazujcuna cachun, tucui ima allita ruranapajpish chaparacujcuna cachun yuyachingui.
2Pitapish ama mana alli nishpa rimaj, p'iñanacuicunata mana munaj, ashtahuanpish c'uyanacujcuna, tucuicunahuan alli shungu cashcata ricuchichun yuyachi.
3Ñucanchijpish ñaupaca yuyai illajcuna, mana cazujcuna, chingarishcacuna, aichata cushichingapaj tucui shina ruranacunapi huatashcacunami carcanchij. Millai shungucuna, shujtajpaj charishcata munajcuna, shujtajcuna p'iñashcacuna, caishujmanta chaishujmanta p'iñanacujcunami carcanchij.
4Chashna cajpipish ñucanchijta Quishpichij Diosca, alli cashcata, c'uyaj cashcata tucuicunaman ricuchishpami,
5ñucanchijtaca quishpichirca. Mana ñucanchij ima allicunata rurashcamantachu quishpichirca. Ashtahuanpish ñucanchijta pai llaquishcamantami, paipaj Jucha illaj Espirituhuan maillashpa cutin huacharishcata rurashpa mushujyachirca.
6Chashnami ñucanchijta Quishpichij Jesucristomantaca, Diosca paipaj Espirituta ñucanchijmanca yallijta curca.
7Chashnami Diosca mana c'uyaipaj cajpipish c'uyashpa, justificashpa chasquirca. Chaimantami ñucanchij japina cashca huiñai causaitaca, chai yuyailla shuyacunchij.
8Cai shimicunaca chashnatajmi. Chaimanta Diosta crijcunamanca paicunapaj imatapish allicunata rurana yuyailla cachun, ama manchashpa huillachunmi munani. Tucui caicunaca tucui gentecunapaj valijmi, allimi.
9Ashtahuanpish yanga rimanacuicunata, ñaupa yayacunamanta yanga parlocunata, p'iñanacuicunata, Mandashcapi nishcacunamanta rimanacuicunatapish ama uyangui. Chaicunaca yanga, imapajpish mana allichu.
10Tandanacushca crijcunata maijanpish chaupijpica, shuj cutin mana cashpaca ishqui cutin cunajpi mana cazujpica, paitaca llujshichishpa cachangui.
11Chashna rurashpa juchallijca jatun llaquiman rina cashcata paillataj ricuchicushcatami yachana cangui.
Imalla rurana cashcata yachachishcami12Artemasta, mana cashpaca Tiquicota cambajman cachajpica, ima shinapish utca Nicopolispi ñucata ricuj shamupangui. Ñucaca tamya punllacunataca chaipi canatami yuyarircani.
13Mandajcunahuan ñucanchijmanta rimaj Zenasman, Apolosmanpish paicuna purinapi ama ima illajlla cachun ayudangui.
14Can chashna rurajta ricushpami ñucanchijpura crijcunapish allita ruranata, ima illajcunamanpish cunata yachangacuna. Chashnami paicunapish Diospaj ñaupajpica p'ucushca granoyuj cangacuna.
Dios allicunata cuchun nishpa tucuchishcami15Tucui ñucahuan cajcunapish cantaca alli cashca cachun nincunami. Crij cashpa ñucanchijta c'uyajcunatapish, alli cashca cachun ninmi nipangui. Mana c'uyaipajta c'uyaj canaca tucui cancunahuan cashca cachun. Chashna cachun.
Who We AreWhat We EelieveWhat We Do
2025 by iamachristian.org,Inc All rights reserved.
