1Ñucaca Cristo Jesusmanta mana judiocunapaj allipaj huillacushcamanta prezupi caj Pablomi cani.
2Dios mana c'uyaipajta c'uyashcata, cancunapurapi apachun ñucaman mingashcataca uyashcanguichijmi.
3Pi mana yachashcata ñucaman ricuchishcatami, ñaupaman ashata ña quillcarcani.
4Chaita rezashpami, Cristomanta pi mana yachashcata ñuca yachashca ima cashcataca, entendi tucunguichij.
5Pi mana yachashcata ñaupaca piman mana yachaj chayachishcata cunanca, paipaj jucha illaj apostolcunaman, profetacunaman paipaj Espirituhuanmi ricuchirca.
6Chaica cashnami: Alli huillaimantaca mana judiocunaca, judiocunahuan herenciata japijcuna, ishquindijtaj chai cuerpopajlla miembrocuna, Cristo Jesusmanta Dios cusha nishcatapish paicunahuan japijcuna canami.
7Chaita huillaj cachunmi, mana c'uyaipajta c'uyaj canata cushpa, paipaj poderhuan rurachingapaj ñucataca Diospajta rurajta rurashca cani.
8Ñucaca tucui jucha illajcunamanta ashtahuan uchillami cani. Chashna cajpipish mana judiocunaman Cristopaj mana yupaipaj achcata charishca alli huillaita huillachunmi, cai mana c'uyaipajta c'uyaj canataca ñucaman curca.
9Imalla rurana cashcata ña allichishcataca, pi mana yachashcata allitaj tucuicunaman huillachunpishmi curca. Chaitaca tucui imatapish ruraj Diosmi, huiñaimanta pacha pacalla charicurca.
10Shinallataj Diospaj tucui laya yachaitaca jahua pacha llajtacunapi poderyujcunaman, mandanata charijcunamanpish tandanacushca crijcunapi ricuchingapajmi curca.
11Pai ima shina ruranata huiñaimanta yuyarishca shinallatajmi, ñucanchijta Mandaj, Cristo Jesuspi pajtachirca.
12Ñucanchijca paipi crishcamantami, shuj yuyai yaicunatataj charinchij.
13Chaimi cancunamanta llaquicunata ñuca apacujpipish, ama llaquirichun rogani. Chaicunaca cancunapaj allipajmi.
C'uyaica tucui yachaitapish yalli jatunmi14Chaimantami ñucanchijta Mandaj Jesucristopaj Yayapaj ñaupajpica, cungurini.
15(Paimantami jahua pachapi, cai pachapipish tucuicuna paipaj shutita chasquincuna).
16Diosca sumajyaita achcata charij cashcamantaca, paipaj Espirituhuan poderta cushpa cancunapaj shungupi sinchiyachichunmi mañacuni.
17Crishcamantaca cancunapaj shungucunapi Cristo causachun, c'uyaipi sapiyashpa sinchiyachun,
18Cristopaj c'uyaica chainijta, cainijta, ucujta, jahuajta cashcataca, tucui jucha illajcuna entedi tucuipaj cachunmi mañacuni.
19Shinallataj Cristopaj c'uyaita rijsinaca tucui yachaitapish yalli jatunmari. Chaita rijsishpaca, Dios ima shina cashcahuan yallitaj junda cachunmi mañacuni.
20Diosca tucui imatapish rurai tucuj cashcamantaca, ñucanchijpi rurachicuj poderhuanmi ñucanchij imata mañashcatapish, yuyashcatapish ashtahuan yallita ruran.
21Chaimanta Cristo Jesuspi tandanacushca crijcunapica, tucui huahua huahuacuna paitaca, huiñai huiñaita jatunyachishca cachun. Chashna cachun.
Who We AreWhat We EelieveWhat We Do
2025 by iamachristian.org,Inc All rights reserved.
