1Mandaj Dioslla, quiquintami caparini. Ñucapajman utca shamuyari. Quiquinta ñuca mañajpica mañanca uyaj cayari.
2Quiquinta ñuca mañashcaca incienso shina quiquinpaj ñaupajman chayashca cachun.
Ñuca maquicunata huichi chutashcapish chishicuna quiquinman cuna cashcata cushca shina cachun.
3Mandaj Dioslla, ñuca shimipica cuidajta churahuai.
Ñuca shimiman ima mana alli ama llujshichun jarcajta rurahuai.
4Millaita ruranata ñuca shungu cazuchunca ama saquihuaichu.
Quiquinta mana rijsijcunahuan paicuna rurashca shina rurachunca ama saquihuaichu.
Millaicunahuan chagrurishpa jatun micuipi paicunahuan micuchunpish ama saquihuaichu.
5Cashcata ruraj ñucata llaquichishpaca, pai sinchita ñucata rimashcaca ñucapaj allipajmi canga.
Ashtahuanpish quiquinta mana rijsijcunapaj aceitehuanca ñuca umapica amataj churashca cachun.
Ashtahuanpish ñucaca paicuna millaita rurashcata mana ricunachishpa Taita Diosta mañacujllamari cani.
6Paicunapaj juezcunataca jatun c'aca quinripi shitashcami canga.
Chashna rurajpimi ñuca rimashcacunaca alli cashcata yachangacuna.
7Yapushpa allpata chaupij shinami ñucanchij tullucunataca Seolpaj shimiman tsirapancuna.
8Mandaj Dios, Jatun Dios ñuca ñahuicunaca quiquinllatami chaparacun.
Ñucaca quiquinpimi shunguta churarcani.
Ñuca almataca amataj saquihuaichu.
9Ñuca urmachun churashca linchicunamanta huaquichihuayari.
Millaita rurajcuna ima llaquipi churanamanta huaquichihuayari.
10Quiquinta mana rijsijcunaca paicunapaj churashca linchillapitaj tucuicuna urmashca cachun.
Ashtahuanpish ñucaca pasashpa ñaupajman rishallamari.
Who We AreWhat We EelieveWhat We Do
2025 by iamachristian.org,Inc All rights reserved.
