1Wile' juntl nin techlal toj kya'j ex xob'ajilx: wuq anjl kyuk'i'l b'ajsb'il wuq k'ixk'oj, kyuk'i'ltzun njapuna' b'aj ttx'u'jil Dyos.
2Ex wile' naku'j ninnjab' ẍtilun smo'n tk'i q'aq'; wa'lqe'toqu' ojetoq kub'ti'ju' txkup ex tilb'ilal kyu'n, tk'i'xi' tajlal tb'i, ttzi ninnjab' lu, tuk'i'l kychinab' arpa xinitq'o'n Dyos kye.
3Ex intoq xikyb'itza'n tb'itz Moyses, tmajin Dyos, ex tb'itz Qpoj Tman rit. Intoq kyma'n kjalu:
Nim toklen ex te lab'te'nxi'xju' matxi' tb'inchaya,
aya Nman Dyos, nimtipumala;
tzinunqe'xi'x ex ax qexi'xju' tb'eya,
aya Nimaqkawil kyib'aj nimaqtnam.
4¿Alkye lay xob' teya Nman Dyos?
¿Alkye lay jaw ajwalinteya?
O'kxna'ta xjan;
kykyaqil nimaqtnam che b'ju'l ex che k'ulul teya,
qu'n matxi' tz'el kynik' qa tnik'alxi'x ti'ja, chechij.
5Tb'ajlenxi'tzun ja'lu, xinka'yine' ex wile' jqetu' ja xjan toj kya'j, ex tjaju' yol kyejni b'entti'j.
6Eb'je'tzju' wuq anjl q'elte wuq yajb'il. Toktoq kyxb'alun tb'anil sed chub'i'ntwitz nqoptz'aj, ex toktoq jitz'b'il kyk'u'j q'anpwaq japumni ttzikyk'u'j.
7Juntzun kyxolju' kyaje' itz'qe' xitq'o'n jun k'wab'l q'anpwaq nojni tu'n ttx'u'jil Dyos itz' toj tkyaqil tab'q'iyil, teyile junjunju' wuq anjl.
8Ex noju' ja xjan tu'n sib' ntzaj ti'ju' tajwalil Dyos ex tipumal, ex mix-a'lo'x jun tu'n tb'ant tokx toj tzmax ajkyb'ajik'ju' wuq yajb'il q'i'ntoq kyu'n wuq anjl.
Who We AreWhat We EelieveWhat We Do
2025 by iamachristian.org,Inc All rights reserved.
