1Nimxi'x toklena Nman Dyos,
¡tb'anilxi'x tu'n qq'on chjonteye' teya
ex tu'n tjaw qnimane' tb'iya kyu'n b'itz!
2Tu'n tpakb'etju' tk'u'jlalila nimxi'x ex tyola ax
atl junjun prim ex qonik'an,
3toj kyq'ojq'ojel chnab' tzintzb'il,
tuk'i'l b'unin kyq'ojq'ojel arpa ex tzintzin.
4Nman Dyos,
¡machin ttzalajsaya kyu'n tb'inchb'ena!
¡Inxi'x chin tzalaje' kyu'nju' taq'unb'ena!
5Nman Dyos,
¡majx tb'anilqe'xi'xkye' taq'unb'ena!
¡Exqe' ju' tnab'la nimxi'x!
6¡O'qe'kxju' mixti' kynab'l min nkane toj kywitz!
7Qa nche ch'iyju' b'inchal myab'a'n ex b'inchal il
kse'n k'ul, ex nche q'inumax,
naqx tu'n kykub' xitu'nkye' tejumajx.
8Atzunta Nman Dyos, kukx ttenju'ya toj kya'j.
9Axxi'xte', Nman Dyos:
kche b'ajel xitu'nju' tajq'oja;
che b'ajel sputi'n kykyaqilju' b'inchal taq'wix.
10Intzaj tch'isa'na wipumale'
kse'n tipumal jun tman wakx,
ex njax tq'o'na k'ok'sb'il toj nwi'ye'.
11Knka'yiye' se'n ajkykub'a' tz'aqju' wajq'oje;
¡knb'i'ye' ajkyẍch'inju' b'inchal myab'a'n lu toj k'ixk'oj!
12Inche b'echanju' b'a'n xjal kse'n tut
ex nche ch'iy kse'nqe' k'ute toj Lib'ano.
13Awa'nqe' toj tja Qman Dyos;
inche b'inchan twi' tpen tja Dyos.
14Expe' kche witzal aj kytijin;
ktenb'el kyipumalju' kukxju' ex kyxaq ẍlajun,
15ex kxe'l kypakb'a'ntzuntz qa tzinunte' Qman Dyos klol weye',
ex mixti' jun myab'a'n toj. Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
