1Lu xtma Qman Dyos kjalu:
Kyq'uqb'anxe' tk'u'ju' ntaname':
2che yolinqeye' tuk'i'l tk'u'jlalil kye aj Jerusalen
ex kymanxe' kye qa matxi' b'aj ttxa'nju' yajb'ilkye'
qa matxi' kychoju' kyil,
qa kamaj matxi' tz'e'yset kytwitz
tu'n tpaj tkyaqilju' kyil, chi Dyos.
3Nẍch'in jun tq'ojq'ojel wi'yj kjalu:
Kyb'inchame' jun tb'e Qman Dyos toj chq'ajlaj,
kyb'inchame' jun ninb'e tzinun
te Qman Dyos toju' tx'otx' min tq'o'n tawal.
4Che kynojsanku'ye' kykyaqilju' qob'li,
che kyniq'inku'ye' witz exqe' b'us,
kjel kyq'o'ne' xaqchaq tx'otx' ex witzile
te plan tx'otx' yiletl.
5Ktzajeltzun tyek'u'n Qman Dyos tajwalil,
ex kykyaqilju' xjal che ka'yilte junx.
Aku' Qman Dyos xq'mante, chij.
6Ntma'n jun tq'ojq'ojel wi'yj kjalu: Ẍch'ina, chij,
¿Ti'tzun kxe'l nẍch'ine'?, nchije' xinxjelu'ne'.
Q'manxa qa ikyqe' xjalju' kykyaqil kse'n itzaj,
¡Ikxi'xju' kse'n jun b'ech toj kojb'il!
7Nkub' tzqiju' itzaj, atzu'n b'ech nkub' ch'u'ẍix
ajttzaj t-xupi'n Qman Dyos kyib'aj.
Axxi'x ikyqe'kye xjalju' kse'n itzaj.
8Inkub'tzqiju' itzaj, atzu'n b'ech nkub' ch'u'ẍix,
atzunte Qman Dyos tyol
majx ati tejumajx, chiju' tq'ojq'ojel wi'yj.
9Kutjaxa, Syon, twi' jun witz,
ẍch'ina kuwxi'x
tu'n txitma'na jun b'a'n tqanil.
Ẍch'ina kuwxi'x Jerusalen, lalun xob'a,
ex q'manxa kyeju' tnam toj Juda:
¡Lute Qman Dyos ati kyib'aje'! chiku'ya.
10Tzulte Qman Dyos tuk'i'l tipumal,
kawil tuk'i'l tkyaqil tipumal.
Tzultiq'i'n ttanam
tkolpintexi'.
11Tzul kse'n jun k'ik'lel nxq'uqin kyi'j trit;
nche jaw tchle'n qpoj tman rit,
chle'nqe' ttzitk'u'j ajkyxi tiq'i'n
ex chab'a nche'x tka'yi'n tzma ẍe alan.
Tajwalil Qman Dyos janche ajb'ena' aj Israel12¿Alkye matxi' kub' echante ninnjab' tu'n tq'ob',
mujqa matxi' txitecha'n twitz kya'j kyu'n twitq'ob'?
¿Alkye oje kub' mlonte tkyaqilju' quq twitz tx'otx',
mujqa matxi' che kub'tmlo'n ttxa'nwitz
ex nimaq k'ul toj tqan peẍ?
13¿Alkye oje tzak'unxi'te Qman Dyos
mujqa alkye oje txixnaq'tzante?
14¿Alkye xiq'onte tnab'l ex tu'n tkane ti'j?
¿Alkye xiyek'untete tu'n tkawin toj ttxolilti'j?
¿Alkye xixnaq'tzante toju' ojtzqib'l?
¿Alkye xiyek'unteju' nab'l te?
15Naku'j jun txat a' qekye' nimaqtnam te,
naku'j jun twitz tz'awunqe' toj malb'il;
iky kyoklen tnamju' toj ninnjab' kse'n jun twitz tz'awun.
16Lay che kanunju' txkup toj tkyaqil Lib'ano
tu'n tkub' q'et jun chojb'il k'ok'sb'il te Dyos,
ex lay kanun si teju' q'aq'.
17Mixti'x che oka' kykyaqilju' nimaqtnam twitz;
mixti'x ch'i'n kyoklen twitz.
18¿Alkye junx tuk'i'l Qman Dyos kyeye'?
¿Se'ntzu'n tilb'ilal kb'el kyb'incha'ne'?
19Jun b'inchal tilb'ilal nb'inchante tilb'ilal,
ex jun uk'tzal k'okyel q'onte q'anpwaq ti'j
ex nok tb'incha'n xpatx'saqpwaq ti'j.
20Aju' nb'inchante jun tilb'ilal
ntjyo'n tze min q'ayj,
ex ntjyo'n jun xjal b'a'n tz'aq'unan ti'j tze
tu'n tb'aj tb'incha'n tu'n mitzik'a' tz'aq.
21¿Ma min b'i'ntoq kyu'ne'?
¿Ma b'ajx tz'oka' kyb'i'ne' nyolinjtz?
¿Ma min xiq'ma'n kyeye' ojtxi'?
¿Ma b'ajx kaneya' toj kywitze' atxi'x tb'ent twitz tx'otx'?
22Xi'ta'te Qman Dyos tkawb'il twitz kya'j tib'aju' tx'otx',
nka'yin kyi'ju' xjal naku'j ẍt'ikt'u'l qe'.
Nxit-slik'u'n kya'j kse'n jun saqxb'alun,
nxitlik'u'n kse'n nxislik'et twi' jun ja xb'alun.
23Mixti'x nche oka' nimaqxjal tu'n
ex nche kub' tnajsa'n nejenel twitz tx'otx'.
24Ikyqe' kse'n awal akxtoq kyku'x awa'n,
tzmaxi'x nche lok'an toj tx'otx'.
Qama tzaj t-xupi'n Dyos kyib'aj nche'x tzqij,
ex nchex tiqa'n kyq'iq'jb'aj kse'n ttxa triy.
25Nxjelun Dyos Xjan kjalu:
¿Alkye k'okyel kyq'o'ne' qa ikyju' se'n ayine'?
¿Alkye jun junx wuk'i'le'?, chij.
26Kyka'yinxpe'ye' twitz kya'j:
¿Alkye b'inchante tkyaqilju' ja'lu?
Junjunchaq kyten tu'n
ex kykyaqil oktq'o'n kyb'i.
Nimxi'x toklen ex tipumal
kykyaqil tz'aqliqe'.
27Israel, tyajajil Jakob',
¿tiqu'n nlab'ta'ya? ¿Tiqu'n ntma'na'ya:
Min ntlo'nte Qman Dyos nb'aj wi'je';
min nximante Dyos wi'je', chija?
28¿Ma mixtzunti' b'i'n tu'na? ¿B'ajtzun tb'iya'ya?
Min nsiktite Qman Dyos,
ju' Dyos tejumajx, ex min nnumj
aju' b'inchante tkyaqil twitz tx'otx';
mixti' b'ajsb'il teju' tnab'l.
29Ntzaj tq'o'n tipumalju' siktni,
ex nkuwixju' xjal in numj tu'n.
30In pena' che sikti ku'xun ex nche kub'numj,
exqe'pena' kuwqe'xi'x nche kub',
31aye'tzunkye' q'uqli kyk'u'j ti'j Qman Dyos
ktenb'el kyipumal kukxju'
ex kb'entel kylipan kse'nqe' q'anjel;
kb'entel kyojqelan ex lay che sikti
ex lay che kub'numj tu'n b'etb'en.
Who We AreWhat We EelieveWhat We Do
2025 by iamachristian.org,Inc All rights reserved.
