1Jawtb'incha'n nab'l tja,
tb'anil b'inchb'enkye wuq tqan;
2E'tzaj tb'yo'n talu'n teju' ninwan,
kub' tb'incha'n jun k'wab'j tb'anilxi'x,
ex b'aj tb'incha'n mes
3eb'jax tchq'o'n tmajen ẍch'ilte
kywi' ja nimaq kywe' toj nintnam kjalu:
4¡Qlanqe'ye' tza'lu ku'xun na'mx tok kynab'le'! Chechij
B'ajx q'o'n tpakb'al kyeju' mixb'a'n che ximan kjalu:
5Qlanqe'ye' qoqe' wan wuk'i'le'
che k'wanqeye', makux nb'incha'nwe' jun qk'wa'.
6Lalun che oktle' mixti' kynab'le', atitzunte anq'b'iltz;
che b'et-xe' ati kynab'le'. Chij.
7Qama ttzak'uju'ya mixti' tnab'l ex b'inchal myab'a'n,
atlpe'ta kb'ajel wuli'na tu'n ex k'okyil tlab'a'n twitz.
8Qama txi' ttzak'u'nju'ya mixti' tnab'l, k'elel i'ku'na tu'n;
qatzun matxi' ttzak'unju'ya ati tnab'l, kk'u'jlanjtzela tu'n.
9Q'onxa xnaq'tzb'il teju' ati tnab'l, ktenb'elxi'xtl tnab'l;
q'onxa xnaq'tzb'il teju' b'a'n xjal, ktenb'elxi'xtl tojtzqib'l.
10Qa nqo niman te Qman Dyos atzuntzu' ntzyeta' tten qnab'l;
atite' qnab'l qa ojtzqi'n Dyos Xjan qu'n.
11Tu'nju' nab'l k'anq'ila'ya nim,
ex knajal txqan ab'q'iya.
12Qa ati tnab'la, texa k'ajb'ela';
qatzun matz'el tik'u'na, axa kb'el chjonte.
13Ikyte xnakyilju' kse'n jun qya jk'ulyol,
mixti'x b'a'n tu'n majx xtrak.
14Nkub' qe tib'aj jun q'a'jtz ttzi tja,
twi' jun nin ja toj nintnam,
15Ntxokon kyeju' nche b'et
b'a'n kyel toj kyb'e,
16intma'n: ¡Qlanqe'ye' tzalu ku'xun na'm tok kynab'le! Chij
Nxitma'n tq'umli kye mib'a'n che ximan:
17Majx k'ok'jte' a' naq qelaq';
exju' wab'j toj ewaj majx ati tchi'yal. Chij.
18Wichaqa min b'i'n kyu'n qa toj tkawb'il kamik
ta'qe' nxi' kyq'o'n kywi' ti'ju ttxokb'il lu.
Who We AreWhat We EelieveWhat We Do
2025 by iamachristian.org,Inc All rights reserved.
