Is 4 - Mam Ostuncalco Bible

1Naq jte'xtl ichan che kjel toju' tq'ijlalil lu

wuq qya che q'ojil ti'j jun ichan

ex kxe'l kyma'n te:

Ayo'xqe' qok'a'cha'lteqib'e'

ex ayo'xqe' qoktxulqib'e',

naq o'kx tu'n toka te qchmile' tu'n lalun qokyaje' toj ch'ixb'ajil, chechi.

Tzul q'uqb'ab'l k'u'jb'aj te tzalajb'il

2Tzul tq'ijlalil,

che poq'chajelju' kyxul tu'n Dyos,

wiqb'il ex ajwalb'il kyeju' che kjel anq'in toj Israel;

k'okyelu' twitz awal kjawil twitzju' tx'otx'

te ajwalb'il ex te ninb'ilkye.

3Aye' che kjel anq'in toj Syon,

exqe' che kjel anq'in toj Jerusalen

k'okyel q'o'n kb'i q'o'nkyib' toj tq'ob' Qman Dyos.

4Ajtmante Qman Dyos tu'n ttz'e'yset kywitz

ex ajtkub' ttz'e'ysa'n kywitz,

kt-ẍtiljsa'ju' tnam Jerusalen teju' kychk'lel q'a xb'je'l,

ex kttx'ja' kytz'ililju' najlqe' Syon.

5Ktzajel tq'o'n Qman Dyos jun qxopin muj te q'ijl

atzun jun te qonik'an ntilky'aj tqan q'aq'

tib'aj tkyaqilju' witz Syon

ex tib'aju' tnam b'u'yi'ntib' atzu'.

Tib'ajtzun tkyaqil ja'lu, ktenb'elju' tajwalil Qman Dyos,

6Te xq'uqilkye ex klol kye;

k'ajb'el te kyxlekun te ttantonil q'ij

ex kolb'ilkye jb'al ex te q'ankyaq.