Nah CHIK'B'AB'L - Mam Ostuncalco Bible
CHIK'B'AB'LXi' nyolina' tuj Nawum ti'ju' tzalajb'il b'aj tej tkub'ti'ju' tnam Ninib'e, aju' nintnam nimaq toklen te Asirya, jaw nimix kyib'aj kykyaqil tnam ojtxi' ex nimaqtoq toklen, ex majxtoq ajq'oj kyi'j aj Israel. Kub'ti'ju' tnam lu tej tb'aj junk'al o'lajnaq (700) ab'q'i na'mxtoq titz'ji Krist, ex kykyaqilju' tnam e'tzalaj tej tkub'ti'ju' nintnam lu, mya oqe'kxju' aj Juda, qu'n majx etzaqpaj kykyaqilju' tnam toj tjawetzq'ij tjaq' tkawb'ilju' nintnam lu. Atzunte t-sanjelal Dyos lu nkane toj twitz qa jun tz'e'ysb'il twitzju' tnam lu tzaj tq'o'n Dyos. Aju' yol tz'ib'a'n toju' u'j lu ttxolexi'x tel ex nimaqxi'x toklen, kse'n ajtyolin kyi'ju' karwaj ex kyi'j aj chejil ajq'ojqe' xi'toq kypon ti'ju' nintnam (2.1-12). Aju' tz'ib'ante junxi'tl nakuxi'xtej nche' yukchi xjal toj ajtjaw qẍch'i'n, tuk'i'l junjun tnej yol b'a'nxi'x chik'b'ab'ente ex nakuxi'xtej nche' q'ajti, kyuk'i'l yol toj eb'rey ojtxi' ajb'en tu'n t-sanjelal Dyos nakuj nxi' kxnik'b'e'n kse'n nche' q'ajta' karwaj ex kyqan chej ex tej kykub' chukli toj q'oj.
