Sal 46 - Mam Ostuncalco Bible

Ati Qman Dyos quk'i'l

1Ate Qman Dyos qipumal ex kolb'ilqe;

lwiy nqo tklo'n toj b'is.

2Qu'mtzun mixti' tu'n qxob',

maskye makub' xitju' tx'otx',

b'a'n qama che'x mulq'aju' witz t-xe ninnjab',

3b'a'nqa ntx'u'jinju' ninnjab', ex nche tinunju' ttolob',

maskye mache yukchiju' witz tu'n ttx'u'jil.

4Tzalajb'ilxi'x teju' ninttanam Qman Dyos tu'n jun nin a' kyuk'i'l tq'ob',

ju' xjanxi'x kyxolju' nimaqttanam Qman Dyos nim toklen tib'aj tkyaqil.

5Atite Qman Dyos toj, ex lay kub' xitj;

k'onil ti'j ajttzaj t-xe kya'j.

6Inche ẍch'inju' nimaqtnam tu'n kyxob'el, nche lu'lunju' kawb'il,

inkub' xitju' tx'otx' aj txi' kyb'i'n tq'ojq'ojel twi' Dyos.

7¡Atite Qman Dyos nimtipumal quk'i'l!

¡Ate kolb'ilqeju' Dyos ja k'uluna' Jakob'!

8kukytzaje' ka'yilteju' ti'xti' te lab'te'nxi'x

xtb'incha Qman Dyos twitz tx'otx':

9matxi' b'aj ttxa'nju' q'oj tu'n,

toj tkyaqil twitz tx'otx';

matxi' che b'aj kub'ttoqi'nju' smaj,

matxi' che b'aj kub'ttoqi'nju' ch'ut,

¡Matxi' tz'oktq'o'n kyq'aq'alju' karwaj te q'oj!

10Chi Qman Dyos kye nimaqtnam: ¡Kytzaqpinkju'ye' q'oj! ¡Tz'elx kynik'e' weye' qa ayine' Dyos!

¡Qu'n ayine' atinqin kyib'aj nimaqtnam!

¡Ayine' atinqin tib'aj tkyaqil twitz tx'otx'! Chi Dyos.

11¡Atite Qman Dyos nimtipumal quk'i'l!

¡Ate kolb'ilqeju' Dyos ja k'uluna' Jakob'!, Chiju' b'itzal.