1Kyb'itzanxe' jun ak'a'j b'itz te Qman Dyos;
che b'itzan qe'ye' te Qman Dyos, ju' najlqe'ye' toj tkyaqil twitz tx'otx';
2che b'itzan qe'ye' te Qman Dyos, kyajwali'nktze' tb'i;
kypakb'anxe' tkolb'il atl junjun q'ij.
3Kyolinxju'ye' tajwalil exqe' tb'inchb'en tb'anilqexi'x
kye kykyaqil b'o's tnam ex nimaqtnam,
4qu'n nimte' Qman Dyos toklen
ex o'kxte ati tu'n tjaw ajwalit:
¡atzu' tu'n qxob'a' te ex mya kyeju' kydyos xjal!
5Mixti'x che oka' kydyos txqantl xjal,
atzunte Qman Dyos kub' tb'incha'n kya'j.
6¡In qoptz'aj ti'jile tu'n nim tajwalil!
¡Tb'anilxi'xju' tja xjan tu'n tipumal!
7Kynimame' Qman Dyos kykyaqile' tnam te twitz tx'otx',
tz'elx kynik'e' ti'ju' tipumal ex tajwalil;
8kynimanktze' Qman Dyos kse'nxju' toklen;
kukyokxe' toju' tja tuk'i'l kyoyaje',
9che k'ulun qe'ye' te Qman Dyos toju' tja xjan tb'anilxi'x.
10Kymanxe' kye nimaqtnam: ¡Ate Qman Dyos nimaqkawil! chechiku'ye'
Ate kuwsanteju' tx'otx' tu'n lay yukchi;
ex junelniju' tkawb'il kyib'aj kykyaqil tnam.
11¡Che tzalajxju' kya'j ex tx'otx'!
¡Tinunxju' ninnjab' kyuk'i'lxi' ate' toj!
12¡Tzalajxju' kojb'il kyuk'i'lxi' ate' twitz!
¡Che ẍch'inxju' tze toj k'ul tu'n kytzalajb'il,
13twitzju' Qman Dyos, tzul!
¡Iku', tzul kawil twitz tx'otx',
kkawil tuk'i'l ax ex tnik'alilti'j
ex kkawil kyib'aj kykyaqilju' tnam twitz tx'otx'
tuk'i'l tnik'alilti'j ex ax! Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
