1Q'aq'antz tk'u'ja wi'je' Nman Dyos, q'aq'antz tk'u'ja wi'je',
qu'n tuk'i'la njyo'na'ye' kolb'il,
wajb'ile' tu'n nklete' tjaq' t-xik'a
tzmax ajtik'ju' yajb'il.
2Kjawil tq'ojq'ojel nwi'ye' te Dyos jawnixi',
Aju' Qman Dyos ntzaj oninweye' toj tkyaqil.
3Ktzajel tq'o'n tk'u'jlalil exju' ax tzmax toj kya'j,
ex chin tkla'ye' te kytx'u'jilju' ljo'n toj nq'ije' kyu'n.
4Matxi' chin kub' tz'aqe',
kyxolju' b'alun inche ch'yon xjal;
iky kywitzteju' kse'n ch'ut ex talsmaj,
iky kyaq'ju' kse'n k'uẍtx'e'nb'il jqu'n twitzte.
5Nman Dyos, atiya tib'aju' kya'j.
¡Nojni tkyaqil twitz tx'otx' tu'n tajwalila!
6Makub' kyq'o'n wajq'oje jun xpatxab' toj nb'eye'
naq tu'n ttzaj xob'il wi'je'
ma ku'x kyb'incha'n jun jul toj nb'eye',
ex aye'x ẍeku'x tz'aq toj.
7Nman Dyos, matxi' qexi'x nk'u'je' ti'ja
inchin tzalaje' tu'n nb'itzane' teya.
8Nna'ntztzun wib'e'
kyna'ntzkyib'e' chnab' arpa ex tzintzin;
¡kchin jawil weye' q'ol chjonte te Dyos ajttzaj t-xe kya'j!
9Kchin b'itzale' teya, Nman Dyos
kyxolju' k'ok'e' tnam ex nimaqtnam.
10Tb'anilxi'xte' tk'u'jlalila toj kya'j
nojni twitz ẍkul kya'j tu'nju' toklena.
11Nman Dyos, atiya tib'aj kya'j.
¡Nojni tkyaqil twitz tx'otx' tu'n tajwalila! Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
