1¡Nman Dyos, chin tkloma tu'n tb'iya!
¡Chin tkloma tuk'i'l tipumala!
2Nman Dyos b'intza nna'j Dyose',
chin ttzaq'wetza,
3qu'n matxi' jawkyi'nkyib' xjal nkynima'n kyib' wi'je',
Kyajb'ilju' ajq'oj tx'u'j kywi' tu'n nkub' kyb'yo'ne'.
¡Min nche ximan ti'ja Dyos!
4Tu'npetzunju', oni'n qinwe' tu'n Dyos;
ate Qman Dyos q'ol nchwinqlale'.
5-6Ate Qman Dyos kb'inchalte
tu'n tkub' tz'aqju' kyb'inchb'en wajq'oje kyib'ajx.
¡Xitunqeku'ya Nman Dyos, qu'n njapunta tyol!
Che kxe'lnq'o'nwe' chojb'il teya tu'n tkyaqil nk'u'je',
ex kjawil nnima'nju'ye' tb'iya, qu'n b'a'nxi'xta,
7qu'n matxi' chin tkola toj tkyaqilju' yajb'ilweye'
ex mawile' xkub' kyi'ju' wajq'oje.
Who We AreWhat We EelieveWhat We Do
2025 by iamachristian.org,Inc All rights reserved.
