1Nman Dyos, ¡lalun kyej numeya!,
¡lalun noqx qotzaj tb'i'na, qo' ttzaq'wetza!
2Ka'yinqe'tzju'ya tajq'oja, aye' intx'a'lti'j kyk'u'j ti'ja:
matxi' che b'jaw tilj ex matxi' che b'jo'k miltz'uj ti'ja.
3Matxi' b'ajkub' kyxima'n ti'xti' taq'wix
ti'ju' ttanama,
¡kyi'ju' xq'uqi'nqe' tu'na!
4Matxi' kub' kyxima'n tu'n kyul xitulqeye'
tu'n tkub' naju' qtaname',
tu'ntzun lalun tzaj na'ntl tb'i Israel.
5Kykyaqil matxi' kyej b'entti'j kyu'n,
matxi' kymujb'a kyib' tu'n kyb'jo'k miltz'uj ti'ja:
6aye' kyxmuj aj Edom ex aj Ismael,
exqe' kyyajajil Awar ex Moab',
7Web'al, Amon ex Amalek,
exqe' pilistey najlqe' toj Tiro,
8exqepe' aj Asirya matxi' kymujb'a kyib' kyuk'i'l,
ex aye' kyipumalju' tyajajil Lot.
9B'inchama kyi'j kse'n tb'inchaya ti'j Madyan,
kse'n tb'inchaya ti'j Sisara,
ex ti'j Jab'in toju' tnimal a' Kyison,
10aye' majx eb'aj toj Endor,
¡ex eb'jo'k te ttz'isil tx'otx'!
11B'inchama kyi'ju' kyxjal nimaq kyoklen
kse'n tb'inchaya ti'j Oreb' ex ti'j Seeb';
b'inchama kyi'j kykyaqilju' kynejel
kse'n tb'inchaya ti'j Seb'a ex ti'j Salmuna,
12matoq kub'kyetza'n tk'ik'leb'l Dyos.
13Nman Dyos, b'inchama tu'n kysirun kse'n saqch'i'x,
kse'n t-xaq tze nche'x tiqa'n kyq'iq';
14ex kse'n k'ul nb'aj tu'n q'aq'
ex nche b'aj tkyaqilju' tze tu'n,
15¡iktzu'n ljoma toj kyq'ij kyu'n yajb'il
ex xob'sanqe'xa kyu'n tq'ankyaqa!
16¡Tz'elx kych'ixaw tu'na Nman Dyos,
tu'ntzun kykub'san teya!
17Tz'elxwit kych'ixaw tejumajx;
¡che kub'xwit ch'ixwi ex che kyimxwit!
18¡Tu'n telkynik' qa o'kxta Dyos Manb'aj,
qa o'kxta Dyos te toj kya'j
tib'aj tkyaqil twitz tx'otx'! Chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
