Sal 127 - Mam Ostuncalco Bible

A Qman Dyos ntzaj q'onte tkyaqil

1Qa mya Qman Dyos njaw b'inchanteju' ja,

mixti'x nche oka'ju' nche aq'unan ti'j;

qa mya Qman Dyos nklonteju' nintnam,

mixti'x nche oka'kye' xq'uqil.

2Mixti'x nnoka'te' b'a'n prim nqo' aq'unan ex yaj nqo qen

inxi'x qb'yo'nqib' tu'n tpaj qwa,

aye'tzu'n k'u'jla'nqe' tu'n Qman Dyos inche ojlan ex ky'i'wla'nqe'.

3Tb'anilxi'x qekye' qk'wal nche itz'ji

qu'n toyaj Dyos qe'.

4Ikyqe'kye qk'walju' nche itz'ji toj qku'xumal

kse'n smaj toj tq'ob' jun q'ojil.

5¡Tzalajb'ilte' teju' xjal ate' txqan tk'wal kse'nqe' talsmaj!

qu'n lay kub'ti'j kyu'n tajq'oj,

aj tklontetib' kyekywitz ajkawil. Chiju' b'itzal.