Neh 7 - Mam Ostuncalco Bible

Eb'jo'k tq'o'n Neemiy q'eltwitz aq'untl

1Tej tb'aj b'inchet jumajtlu' nintapi ex eb'aj b'inchetju' tjpel, eb'jo'k q'et xq'uqil ttzi tjpel, e'aj b'itzal ex aj Leb'i.

2Aye' e'oknq'o'nju'ye' nuk'ul kyib'aju' xjal toj Jerusalen, a Anani, witz'ine', ex Ananiy, ju' chaq'ul kye xjal q'ojil kyoj nimaqtnam, jun ichan q'uqli tk'ujlalil ex nxob'xi'x te Dyos kwitz txqan xjal.

3Xinma'ne' kye qa mixti' tu'n kyjqet tjpelju' nintnam Jerusalen, ajxi' tjaw q'ij, ex ati tu'n kyjpet ex tu'n kyxtanet b'a'nxi'x ate'ku'ju' xq'uqil jachaq tu'n kyxq'uqina'. Ex eb'jo'k nq'o'ne' xq'uqil kyxolxu' xjal najliqe' toj Jerusalen, tu'n kyxq'uqin junjun jachaq tu'n kyxq'uqina', ex junjuntl tu'n kyxq'uqin twitzilexu' kyja.

4Nimtoqu' nintnam ex najchaq pomna' ttxa'n, aye'tzu'n xjal naq jte'xtoq najliqe' toj qu'n na'mxtoq kyjaw b'inchetlu' ja toj.

Aye' anjtzkyi'j kyxolju' exniqe'toq iq'i'n(Esd 2.1-70)

5Kub'tzun tq'o'n Dyos toj nnab'le' tu'n kyb'aj b'u'yitju' xjal nimaq kyoklen, exqe' ati kyoklen toj kawb'il exqe' tnam, tu'n tku'x tz'ib'etju' kyib' te jayi'nchaq, ex knetju' u'j wu'ne' ja tz'ib'a'na'qe' eb'ju'l nejtl, teyile junjun k'loj toj kyjakyib'. A tz'ib'a'nju' toj ikjalu:

6-7Aye' aj Israel ja'lu itz'jniqe' toj Juda eb'ajx tiq'i'n nimaqkawil Nab'ukodonosor toj B'ab'ilon, ex anjtzkyi'j yajxi'tl toj Jerusalen ex toj junjuntl najb'il toj Juda, teyile junjun tojilex ttanam, aye' nejenelju' kye aye' Sorob'ab'el, Joswe, Neemiy, Asariy, Raamiy, Naamani, Mardokyey, B'ilsan, Misperet, B'iwb'ay, Newum ex B'aana:

8Jo'k'al wajxaqnaq kab'lajoj (2,172) tyajajil Paros;

9atzun wajxalajnaq kab'lajoj (372) tyajajil Sepatiy;

10atzun junk'al kab'lajnaq kab'lajoj (652) tyajajil Ara;

11atzun wuqk'al wajxaqlajoj (2,818) tyajajil Paat-moab', tzajni kyyajil kyi'j Joswe ex Joab';

12atzun oxk'al kab'naq kyajlajoj (1,254) tyajajil Elam;

13atzun kab'k'al kab'naqjo' (845) tyajajil Satu;

14atzun junk'al wajxaqlajnaq (760) tyajajil Sakay;

15atzun junk'al kab'lajnaq wajxaq (648) tyajajil B'inuy;

16atzun junk'al junlajnaq wajxaq (628) tyajajil B'eb'ay;

17atzun jo'k'al qaqlajnaq kab'e' (2,322) tyajajil Askad;

18atzun junk'al oxlajnaq qaq (666) tyajajil Adonikam;

19atzun jo'k'al oxnaq wuq (2,067) tyajajil B'ikb'ay;

20atzun junk'al kab'lajnaq o'lajoj (655) tyajajil Adin;

21atzun kyajnaq wajxaqlajoj (98) tyajajil Ater, tzajni kyyajil ti'j Esekyiy;

22atzun qaqlajnaq wajxaq (328) tyajajil Asum;

23atzun qaqlajnaq kyaje' (324) tyajajil B'esay;

24atzun jo'naq kab'lajoj (112) tyajajil Arip;

25atzun kyajnaq o'lajoj (95) tyajajil Kab'aon;

26atzun b'eljojnaq wajxaq (188) ichan aj B'elen ex aj Netopa;

27atzun qaqnaq wajxaq (128) aj Anatot;

28atzun kab'naq kab'e' (42) aj B'et-asmab'et;

29atzun junk'al wuqlajnaq oxe' (743) aj Kyiryat-jearim, aj Kyepira ex aj B'eerot;

30atzun junk'al junlajnaq jun (621) aj Rama ex aj Keb'a;

31atzun qaqnaq kab'e' (122) aj Mikmas;

32atzun qaqnaq oxe' (123) aj B'etel ex aj Ay;

33atzun kab'naq kab'lajoj (52) aj Neb'o.

34Oxk'al kab'naq kyajlajoj (1,254) tyajajilu' juntl Elam;

35atzun qaqlajnaq (320) tyajajil Arim;

36atzun wuqlajnaq jwe' (345) aj Jeriko;

37atzun junk'al qaqlajnaq jun (721) aj Lod, aj Adid ex aj Ono;

38atzun b'eljojk'al qaqlajnaq lajoj (3,930) aj Senaa.

39Kab'k'al wajxaqnaq oxlajoj (973) pale tyajajil Jedayiy, kyxol tyajajil Joswe;

40atzun kab'k'al kab'lajnaq kab'lajoj (1,052) tyajajil Imer;

41atzun oxk'al kab'naq wuq (1,247) tyajajil Pasur;

42atzun kab'k'al lajnaq wuqlajoj (1,017) tyajajil Arim.

43Oxnaq kyajlajoj (74) aj Leb'i kyyajajil Joswe ex Kadmyel, ex tyajajil Odab'iy.

44Wuqnaq wajxaq (148) aj b'itzal tyajajil Asap.

45Atzun qaqnaq wajxaqlajoj (138) xq'uqil ttzija, kyyajajil Salum, Ater, Talmon, Akub', Atita ex Sob'ay.

46Aye' ajb'elju' toj tja Dyos kyyajajil Siya, Asupa, Tab'aot,

47Kyeros, Syaa, Padon,

48Leb'ana, Akab'a, Salmay,

49Anan, Kidel, Kaar,

50Reayiy, Resin, Nekoda,

51Kasam, Usa, Pasea,

52B'esay, Meunim, Nepusim,

53B'akb'uk, Akupa, Arur,

54B'aslut, Meyda, Arsa,

55B'arkos, Sisara, Tema,

56Nesiya ex Atipa.

57Aye'tzu'n kyyajajil ajb'el te Salomon aye' kyyajajil Sotay, Soperet, Peruda,

58Jaala, Darkon, Kidel,

59Sepatiy, Atil, Pokyeret-aseb'ayim ex Amon.

60B'elajnaq kab'lajoj (392) kyb'aju' ajb'el toj tja Dyos kyuk'i'lxi' ajb'el te Salomon tu'n kykyaqil.

61Aye'tzu'n e'tzaj kyoju' tnam Tel-mela, Tel-arsa, Kyerub', Adon ex Imer, ju' min b'ent kyek'unte qa aj Israel kyyajil mujqa naq witze'ljxi'qe', aye' ja'lu:

62kyyajajilu' Delayiy, Tob'iy, Nekoda, junk'al kab'lajnaq kab'e' (642) kyb'aj.

63Aye'tzu'n kywitze'lju' pale: kyyajajil Ob'ayiy, Kos ex B'arsilay, mje tuk'i'l jun tmyal B'arsilay aj Kalaad, ex axu' tb'i oktq'o'n te tb'i.

64E'jyon kyb'iju' xjal lu toju' u'j jatz'ib'ana' qe'ju' toj kyjakyib' kyuk'i'l, mixnati' knet kyu'n atzu', eb'je'l iq'i'n kyxolu' pale.

65Expe' tchaq'ju' kawil tu'n lalun txi kywanju' wab'j xjansa'n, tzmaxi'j ajtmante jun pale telenxi' tnik' tu'nel Urim ex Tumin.

66Jo'mutx' jo'k'al wajxaqlajnaq (42,360) kyb'aju' tnam tu'n kykyaqil,

67expe' min eb'jo'kju' ichan ex qya lq'o'n kymajin toj tajlal, wajxaqlajk'al qaqnaq wuqlajoj (7,337) kyb'aj. Ex atitoq kab'lajnaq jwe' (245) aj b'itzal ichan ex qya kyxol.

68Expe' ate'toq junk'al qaqlajnaq qaqlajoj (736) kyb'a'nchej, kab'lajnaq jwe' (245) mul,

69junk'al junaq o'lajoj (435) kamey ex qaqlajk'al qaqlajnaq (6,720) b'ur.

70Ate' junjun nejenel kye junjun ja xjal kyaq' oyaj te o'nb'il teju' aq'untl; xitq'o'n kawil masch'i'n wuqlajoj lib'r tk'i' nik'jan q'anpwaq toju' k'ub'l pwaq, atzun kab'naqlajoj (50) nimaqlaq ex junk'al qaqnaq lajoj (530) kyxb'alun pale ku'j.

71Aye'tzu'n nejenel kye junjun ja xjal xikyq'o'n oxe' kyintal tk'i' kab'naq kab'lajoj lib'r (3.52) q'anpwaq ex junaq qaq kyintal tk'i' oxnaq kab'e' lib'r (26.62) saqpwaq toju' k'ub'l pwaq teju' aq'untl;

72Aye'tzu'n jte'tl xjal toju' tnam xikyq'o'n oxe' kyintal tk'i' kab'naq kab'lajoj lib'r (3.52) q'anpwaq, junaq kyaje' kyintal tk'i' junaq lib'r (24.20) saqpwaq, ex oxnaq wuq (67) kyxb'alun pale ku'j.

73Eb'ajkub' najanju' pale, aj Leb'i, xq'uqil ttzija, aj b'itzal, e'xjal toju' tnam, ajb'el toj tja Dyos ex kykyaqil aj Israel, tojilex kynajb'il.

Jaw ẍch'i'n tkawb'il Dyos kywitz xjal

Tojtzu'n twuqi'n xjaw, matxitoq che kub'najan aj Israel tojile kynajb'il.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help