1Yajxi'tzuntl inetz tiq'i'ne' ichan twi' pe'n ti'jxi', toj tb'a'nq'ob'kya'j, ex inokxtiq'ine' kyoju' txqan ja ate' toj tb'a'nq'ob'kya'j, twitzju' pe'n jpu'nti'j ex toju' ja ti'jxi' tja Dyos.
2Kab'naqlajoj (50) kynuqub'ju' txqan ja toj tb'a'nq'ob'kya'j, atzun junaqjo' (25) metr kywitz.
3Toj jun plaj xinikywitz tu'me'lju' pe'n tojxi', lajoj metr twitz, atzu'n jun plajtl xinikywitz tu'me'l jab'incha'na' ab'j twi' pe'n ti'jxi'. Te oxe' kol, teyile junjun kol okxni lq'e twitzju' kub'l.
4Atitoq jun b'e kywitzileju' ja, jwe' metr twitz, atzun kab'naqlajoj (50) tqan, inpon tojxi'. Xi' ta'ya' kytziju' ja toj tb'a'nq'ob'kya'j.
5Noqjni'chaq qe'ch'i'ntlju' ja toju' kol jawl kyekywitzju' toj nky'ajchaq, ex kyekywitzju' kub'l, qu'n teyile junjun kol okxni lq'e ch'intl kyetwitzju' kub'l.
6Te oxe' kol qe' ja lu, extzun mixti' kyqan kse'nqe' ja twi' pe'n, okxni lq'e qe'ch'i'ntlju' ja kyetwitzju' toj nky'ajchaq ex kyekywitzju' kub'l.
7-8Junaqjo' (25) metr kynuqub'ju' txqan ja twi' pe'n ti'jxi'. Atitoq jun nintapi, junaqjo' (25) metr tnuqub', toj tkyaqil kywitzju' ja, tu'me'l pe'n ti'jxi'. Kab'naqlajoj (50) metr tnuqub'ju' b'e kywitzile jatu'n tkyaqil.
9-10Xi'ta' qokyex toju' pe'n ti'jxi', toj tjawetzq'ij japomna' nintapi ti'ju' pe'n ti'jxi', tu'n qokpun toju' ja toj tnejel kol.
Ex ate'toq ja toj tnayajkya'j, ttzi pe'n jpu'nti'j ex tpenju' ja toj tkub'exq'ij te tja Dyos
11ikx b'inchb'enkyeju' ex echb'enkye, ikx nuk'b'enkyeju', ati qokex ex qeletz kyoj, kse'nqe' ja toj tb'a'nq'ob'kya'j, ex ati jun b'e kywitzile.
12Atitoq jun tjpel jantzyeta' b'e kywitzile ja twitz nintapi te kolb'il, tu'n qokx tu'me'l tjawetzq'ij tu'n qpon ja ta'qe' ja toj tnayajkya'j.
13Tzaj tma'n ichan weye': Xjan qekye' ja ate' ttziyileju' pe'n jpu'nti'j, toj tb'anqob'kya'j ex toj tnayajkya'j. Atzu' nche pona' pale nche pon lq'e tk'etz Qman Dyos wal kyi'ju' oyaj xjanqexi'x. Ex atzu' nche kub'a' kyq'o'n oyaj xjanqexi'x, kse'nqe' oyaj kywitz awal k'ok'e'kywitz, e'oyaj tu'n kypaj il, qu'n xjante' najb'il lu.
14Aj kyokxju' pale toj tja Dyos, mixti' tu'n kyetz twipe'n ti'jxi' tuk'i'l kyxb'alun najb'en toju' kyajb'eb'l twitz Dyos, qu'n xjanju' xb'alun lu. Ati tu'n tkyaj kyq'o'n toj tja Dyos ex tu'n tok kyq'o'n juntl kyxb'alun ajkyetz jata' tnam xjal, chij.
Echb'ente tx'otx' ti'j tja Dyos15Tej tb'aj techa'n ichan tojxi' tja Dyos, inetz tiq'i'ne' ti'jxi' toju' tjpel toj tjawetzq'ij ex okten echalte tx'otx' ti'jile tja Dyos.
16Tzaj tiq'i'n tze techb'il ex kub' techa'n plaj toj tjawetzq'ij: kab'lajnaq lajoj (250) metr.
17Ex kub' techa'n toj tb'a'nq'ob'kya'j, ex kab'lajnaq lajoj (250) metr;
18xitecha'ntl toj tnayajkya'j: ex kab'lajnaq lajoj (250) metr;
19Ex xitecha'ntlju' plaj toj tkub'exq'ij, ex kab'lajnaq lajoj (250) metr.
20B'aj techa'n toj kykyajel plaj. Ati jun nintapi ti'jileju' tx'otx' ti'j tja Dyos te kab'lajnaq lajoj (250) metr tqan junjun plaj, te aq'pub'lteju' tx'otx' xjan tuk'i'lju' tz'il.
Who We AreWhat We EelieveWhat We Do
2025 by iamachristian.org,Inc All rights reserved.
