Sal 28 - Mam Ostuncalco Bible

Ntzaj tb'i'n Qman Dyos qkub'sb'il

1inchin kub'sane' teya Nman Dyos,

aya klol weye'.

¡Chin ttzaq'wetza, lalun kub' t-xk'a'yi'n tib'a!

Qu'n qama kub' tewa'ntib'a nwitze',

matxi'tzun chin noktzu'ye' kyajlal kyimni.

2B'intzju'ya tq'ojq'ojel nwi'ye' ajt-xi' nqani'ne' o'nb'il teya,

aj txi' nmujb'a'n nq'ob'e' tu'me'lju' tjaya xjan.

3Lalun kub' ttz'e'ysa'na nwitze' junx kyuk'i'lju' b'inchal myab'a'n,

lalun tb'inchaya weye' kse'n kb'ajel kyi'ju' b'inchal il,

qu'n naq kywitz xjal ati kyk'u'jlalil

atzu'n toj kyanmi nojni tu'n taq'wixil.

4Q'onxju'ya tu'me'l t-xel kye,

kse'nxju' kyaq'unb'en;

tz'e'ysanku'ya kywitz,

kse'nxju' kyb'inchb'en taq'wix.

5Qu'n min ntzaj kyna'n

jni'ju' taq'unb'en Qman Dyos,

¡awt kub' xitunkye ex mixwit che jawa' we'tl!

6¡Nimanjtzwitju' Qman Dyos, matxi' tzaj tb'i'nju' nkub'sb'ile'!

7Ate Dyos klol weye' nimtipumal;

ti'j sokqeya' nk'u'je', ex matz'onin wi'je'.

inchin tzalaje';

kchin b'itzale' ex chin q'ol chjonteye' te Qman Dyos.

8Ate Qman Dyos kyipumalju' ttanam;

ate onil ex klolb'ilteju' nimaqkawil jawni t-sk'o'n.

9Nman Dyos, klomju'ya ttanama;

ky'iwlanqeku'ya tk'wala.

Xq'uqimqe'ya kse'n jun k'ik'lel;

¡iq'imqe'ya toj tq'ob'a tejumajx!, chiju' b'itzal.