Sal 23 - Mam Ostuncalco Bible

A Qman Dyos k'ik'lel weye'

1Ate Qman Dyos k'ik'lel weye';

ntzaj tq'o'n tkyaqilju' nnojqelan weye'.

2Nchin ojlane' tu'n kyoj cha'x k'ul,

ex nchinx tiq'i'ne' kytzi a' chab'a kyel,

3ntzaj tq'o'ntl wipumale'

ex nchinx tiq'ine' kyoj b'a'n b'e,

te ninb'ilte tb'i.

4Maskye machin nik'e' toj jun b'e xob'ajilx,

lay chin xob'e',

qu'n atiya wuk'i'le', Nman Dyos;

q'uqli nk'u'je' kyi'ju' ttzeya.

5Matxi' kub' tb'incha'na jun ninwan weye'

kywitzku' wajq'oje;

majaxtqo'na aseyt toj nwi'ye' naku'j nimaqxjal qine',

ex matzaj tnojsa'na nb'ase' b'a'nxi'x.

6Atiju' t-xtalb'ila ex tk'u'jlalila wuk'i'le',

ex chin najale' toju' tjaya Nman Dyos

toj tkyaqilju' nchwinqlale', chiju' b'itzal.