1Tzaj yolin Qman Dyos weye' ex tman:
2Kutku'xa tja b'inchal k'wil, atzuntzu' kxela' nma'ne' jun tqanil teya, chij.
3Inku'xtzuntze' ayine' Jeremiy, ex okyalju' b'inchal k'wil wu'ne' intoq b'inchan xoq'l.
4Qatzun min nelb'a'nju' k'wil ntb'incha'n, intoq kub' t-xitu'n ex nkub' tb'incha'n juntel tu'nxju' xoq'l, tzmaxi'j ajtkyaj b'a'n kse'nxju' tajb'il.
5Tzajtzun tma'n Qman Dyos weye':
6¿Ma laytzun b'ant nb'inchanteye' kyi'je' aj Israel, kse'nx ntb'incha'n b'inchal k'wil lu ti'ju' xoq'l? Ikyqe'kyeju'ye' toj nq'ob'e' kse'n xoq'l toj tq'ob'ju' b'inchal k'wil. Ayine' Dyos Manb'aj nchin yolin.
7Naq jun kmujx ajtkub' nxima'ne' tu'n tjaw nxb'oqi'ne', tu'n tkub' nxitu'ne', tumtkub' ntx'u'yi'ne' jun nintnam mo jun kawb'il.
8Qatzun makyej ttzaqpi'n nintnamju' taq'wixil, laytzun tzaj nq'o'ne' tz'e'ysb'il witzb'aj xi'toq ttzaj nq'o'ne' tib'aj.
9Kb'el nxima'ne' tu'n tjaw b'inchetl ex tu'n tb'ant jun nintnam mo jun kawb'il.
10Qatzun matb'inchate' nintnam taq'wix exqa min xxitb'i'n ab'tzib'l wu'ne' te, lay che tzajnq'o'ntle' nxtalb'ile' ktzajeltoq nq'o'ne' te.
11Q'manxa kyeju' xjal aj Juda ex kyeju' najlqe' toj Jerusalen qa a in nma'nju'ye' ayine' Dyos Manb'aj: Ati jun nxime' kyi'je', inxima'ne' tu'n tkub' ntz'e'ysa'n kywitze'. Kytzaqpinkje' kyb'eye' myab'a'n; kyka'yinxe' kychwinqlale' ex kyb'inchamju'ye' b'a'n.
12Ate kkyma'ju' teya: ¡lanx tz'ex tq'ija! B'a'nxqe' qten tu'n qanq'ine' kse'nx qajb'ile' ex tu'n qtene' toj qpi'sale' toju' myab'a'n tkub' toj qanmiye', chechi.
13Qu'mtzun in nma'ne' ayine' Dyos Manb'aj:
Kyxjelunxe' kyxolju' nimaqtnam,
qa ati jun b'ilte kse'n ja'lu.
¡Mixyab'a'nte' xtb'inchaju' tnam Israel!
14¿Mankub'naj jumaju' che'w
kyib'aju' pik twi' Lib'ano?
¿Ma ntzun che'x tzqiju' qtx'ilun a'
nche ku'tz kyk'u'ju' witz?
15Atzunte' ntaname' matzik' nna'le' tu'n,
Ex nkub' tq'o'n sturak kywitz dyos mya ax.
Makub' tzpet toju' tb'e,
aju' ojtxi' b'e,
ex ljo'nqe' tb'e min ojtzqi'nqe'.
16Iktzu'n xkyaja' ttanam tu'n te jun chq'ajlaj,
te xob'ajilx kukxju'.
Kykyaqilju' che b'jik'el toj
majx che b'ajelxob'.
17Ikyqine' kse'n kyq'iq' ntzaj tjawetzq'ij;
che b'el oq wu'ne' kywitz kyajq'oj.
lay che'x nka'yi'ne', ntze'lwi'jwe' kxel nmiltz'u'n kye,
ajtul q'ij tu'n tz'e'yset kywitz, chi Dyos.
Myab'a'n xim ti'ju' t-sanjelal Dyos18Kymaju' xjal: Qnk'uku' jun qxim ti'j Jeremiy. Ate'nakye pale xnaq'tzalqe, exqe' ati kynab'l q'ol qnab'l, ex sanjelal tu'n ttzaj kyma'n tyol Dyos qe. Qpoqonx tu'n tkub'yo'n. Lalunx txiqb'i'nju' ntma'n, chechi.
Tna'j Dyos Jeremiy19¡Nman Dyos, chin tb'intza!
¡B'intza titi' nkyma'n wajq'oje!
20¿Matu'ntzun taq'wix kchjete'alju' b'a'n?
¡Matxi' ku'x kyb'incha'n njulile'!
Na'ntzpe'ya matxi' kub' nq'o'n wib'e' yolil kyi'j twitza,
qanilte' tu'n lalun tzaj ttzaqpi'na ttx'u'jila kyib'aj.
21¡Atzu'n ja'lu b'inchama tu'n kykyimju' kyk'wal
tu'n we'yaj mujqa tu'n k'uẍtx'e'nb'il;
che kyajxwitju' kyxu'jil kyimni kychmil ex mixti' kyal!
¡Che kyimxwitju' ichan tu'n tx'u'j yab'il,
ex che kyimxwitju' kyku'xun toj q'oj!
22Naqx mikynab'en
chq'onqe'tza jun k'loj eleq' kyi'j,
¡che jawxwit ẍch'in toj xob'ajil!
Qu'n ma ku'x kyb'incha'n jun jul te xpatxab' weye',
mab'ajkub' kyq'o'n xpatxab' toj nb'eye'.
23Atzunta Nman Dyos, tojtzq'ina tkyaqilju' kyxim
matxi' b'aj kyb'incha'n tu'n nkub' kyb'yo'ne'.
¡Lan kub' tnajsa'na kyb'inchb'aj myab'a'n
ex lalun tzik'tna'lju' kyil tu'na!
¡B'inchama tu'n kykub'tz'aq twitza,
tz'e'ysanku'ya kywitz tuk'i'l ttx'u'jila!
Who We AreWhat We EelieveWhat We Do
2025 by iamachristian.org,Inc All rights reserved.
