1Nman Dyos klol weye',
¡chin ttzaq'wetza ajntxokone' teya!
Aya klonweye', tej intoq chin yajtiye',
¡q'aq'antz tk'u'ja wi'je' ex b'intzju'ya nna'j Dyose'!
2Aye'ye', nkynima'n kyib'e',
¿ma kukx wel kyik'o'nju'ye'?,
¿makukxju' kyu'ne'
kyajb'ile' tu'n kyjyonteye'
mixti' tajb'en?
3Tz'elku' kynik'e' qa nche tk'u'jla'n Qman Dyosju' xjal nche niman te;
tz'elx kynik'e' inchin tzaj ttzaq'we'nwe' Qman Dyos ajnkub'sane' te.
4¡Che xob'xe' ex lalun che b'inchantl ile'!
Ajkykub' kẍeye', tkyaqil nak'litl,
kyximanku'xi'xe' titi' nkyb'incha'ne';
5Kyq'onxe' chojb'il axxi'x te Qman Dyos
ex qek kyk'u'je' ti'j.
6Nim xjal inkyma'n: ¿Alkye ktzajel yek'unte tzalajb'il qeye'? chechij
¡Nman Dyos, qo tka'yitza tuk'i'l tk'u'jlalila!
7Nimxi'x tzalajb'il saj tq'o'na toj wanmiye'
kyekwitzju' ati txqan kytriy ex lob'j ub'a.
8Inchin kub' kẍeye' ex nchin wtane' toj nak'b'il,
qu'n o'kxta xq'uqilweye' Nman Dyos, chiju' b'itzal.
Who We AreWhat We EelieveWhat We Do
2025 by iamachristian.org,Inc All rights reserved.
