1Ktzajel q'aq'an tk'u'j Qman Dyos ti'j Jakob'. Ktenb'el jumajtl Israel sk'o'n tu'n, ex ktb'incha' tu'n kyul jumajtl aj Israel toju' kytx'otx'. Che ulel lq'e te najchaq xjal kyk'etz, kymujb'a'kyib' kyuk'i'l tyajajil Jakob'.
2B'a'npun xjal kyoj nimaqtnam che eletz k'molkye aj Israel ex che ul wab'alkye tzmax toj kytanam, oktzun che k'mojtzeltz kyu'n aj Israel te kymajin lq'o'n toju' ttx'otx' Qman Dyos. Che okyex kyq'o'n aj Israel toj kars aye' e'jpunkye tnejel, ex che b'elkyaju'nju' ojetoq che okq'onkye toj yajb'il nejtl.
Xmayb'ilte nimaqkawil aj B'ab'ilon3Tnam aj Israel, aj tojlana tu'n Qman Dyos te tkyaqilju' yajb'il teya, te tkyaqilju' tb'isa exju' ja yajta'ya,
4kxe'l tma'na tb'anilxim lu te xmayb'ilte nimaqkawil aj B'ab'ilon:
¡Kyka'yinxe' jaxpona' b'aju' nim toklen toj twitz
Kyka'yinxe' jaxpona' b'aju' tpi'sil!
5Mattaqk'u Qman Dyos tipumalju' b'inchal myab'a'n,
makub' ttoqi'n tb'arju' nim toklen toj twitz.
6aju' intoq ttz'e'ysa'n kywitzju' nimaqtnam tuk'i'l tx'u'jil
mixtoqti'x nqjen tu'n kyb'iyli,
inxi'xtoq che kub'tjtz'o'n tnam tuk'i'l ttx'u'jil
mixtoqti'x nlaqtk'u'j kyi'j nokten xla'jalkye.
7Toj nak'b'il ta tkyaqilju' tx'otx',
ex nẍch'in tu'n ttzalajb'il.
8Expe' nche tzalaju' tzaj ex k'ute toju' k'ul Lib'ano
tu'nju' matxi' kub'ti'ja
inkyma'n: Mix-a'lo'tlte matxi' kub' tx'emunqeye' tkub'len tz'aqa, chechij.
9Majx ẍejawtilju' kyimni kub'l toju' kynajb'il
ex nche etz k'molteya.
nche jaw sak'puju' kyxlekumal kyimni,
kykyaqilxju' nejenel twitz tx'otx' nche etz k'lulteya;
kykyaqilju' nimaqkawil kye tnam
nche jawe' tib'aj kyq'uqb'il.
10Kykyaqilx nche yolin
inkyma'n teya:
ex ikxta matxi' b'aj tipumala,
matxi' pona kse'nqe'.
11Axtzuntzu' sula' b'aju' ninb'iltib'a
ex kyq'ojq'ojel tchinab'a arpa.
Q'anaq tkuẍb'ila
ex ẍchoq'qe' che ktxulteya, chechi.
12¡Se'ntaq'wi saj tz'aqa twitz kya'j,
aya nqoptz'aja te b'a'n prim!
matzaj xona twitz tx'otx',
aya intoq kub'kyi'j nimaqtnam tu'na.
13Intoq kub't-ximana toj tanmiya:
Chin jawixe' tzmax toj kya'j;
kb'el nq'o'ne' nq'uqb'ile'
kyib'aju' tche'w Dyos;
chin b'elqeye' tzmajx toj tb'a'nq'ob'kya'j,
twi' witz jankyb'u'yi'na' kyib'ju' dyos.
14Chin jawixe' tzmajx tib'ajxi' muj jawtl;
chin okyele' kse'nte Dyos nim toklen, chija.
15¡Atzun ja'lu matxi' ku'x xona kyxol kyimni,
tzmajx t-xexi' jul najchaq t-xe!
16Aye'tzu'n nche lonteya majx nche kyej ka'yin ti'ja,
nche kyajximan ti'ja ex inkyma'n:
¿Ma Atzun ichan ja'lu ntoq lu'lun tx'otx' tu'n,
intoq che kub't-xitu'n nimaqtnam,
17kyej chq'ajlajixju' twitz tx'otx' tu'n,
e'kub' tb'ajsa'n nimaqtnam
ex min e'ttzaqpiju' japu'nqe'?, chechi.
18Kykyaqil nimaqkawil kye nimaqtnam nche ojlan tuk'i'l ninb'il,
teyile junjun toj muqb'il;
19atzunta matxixona najchaq ti'j muqb'il
kse'n tz'is tzu'wxi'x,
kse'n kyimni b'ajni wab'e'n,
kyxol xjal kub'ni b'yo'nqe' okxni xyu'n kyqul,
ku'xni xon toj xaq nim t-xe kymoj ab'j.
20Lay kuxmqu'na kse'nkye txqantl nimaqkawil,
qu'n kub' tyaju'na ttx'otx'a
ex ekub'tb'yo'na xjal toj ttanama.
Lay che tenkye' kyyajajil b'inchal myab'a'n tejumajx.
21Kyb'incham kyib'e' tu'n kykub'yetju' kyk'wal
tu'n tpaj ẍeb'aj b'iyonju' kyman,
tu'n lalun kyximatl tu'n kykawin twitz tx'otx'
mo tu'n kynojsante twitz tx'otx' kyu'n nimaqtnam, chiku'ya ntanam.
22Intma'n Qman Dyos nimtipumal kjalu:
Machinxe' aq'unal kyi'j,
kb'el nnajsa'ne' tb'i B'ab'ilon
kyuk'i'lxi' che kjelten,
e'kyk'wal exqe' kychman.
23K'okyel wu'ne' te jun njab' mo sob'on
te kynajb'il tukru
kb'ajel nmso'ne' tu'n tz'isb'il te xitb'il, chij.
A Qman Dyos nimtipumal inq'mante.
Kb'el xitju' Asirya24Oje ttziya Qman Dyos nimtipumal kjalu:
Axxi'x, kjapumelte' oje nximanye' tu'n tb'inchet;
aju' oje nmaye' tu'n tb'inchet kjapumel.
25Che kb'el nxitu'ne' aj Asirya toju' ntx'otx'e',
che b'ajel nwab'e'ne' kywi' witz weye'.
Kb'ajel tyaju'n kyiqb'il ti'jkywi' ntaname',
lay kub' kyq'o'ntl iqtz tib'aju' ntaname'.
26A matxi' kub' nxima'ne' ti'j tkyaqil twitz tx'otx'.
Naq tu'n toktl nq'ob'e' kyi'j kykyaqil nimaqtnam, chi Dyos.
27Matxi' kub' t-xima'n Qman Dyos nimtipumal,
ex mix-a'lo' kb'a'ntel tmaqun ti'j.
Matxi' jawtiq'i'n tq'ob',
ex mix-a'lo' kb'a'ntel tch'exb'ente.
Tpakb'ab'lju' tzul kyi'j pilistey28Tma Isayiy pakb'ab'l toju' ab'q'i tkyim nimaqkawil Ajas, ikjalu:
29Lalun tzalaja, nintnam pilistey,
tu'nju' matxi' toqju' b'ar tz'e'ysb'ilte kwitze',
qu'n k'eletz jun wotz jasetza' jun kan,
expe k'eletz jun wakxkan nlipan twitz kya'j.
30Ktenb'el kywa kyritju' prow kyoju' nkojb'ile'.
exqe' xjal mixti' ati kye che ojlal toj nak'b'il.
Aye'tzu'n t-xjala knb'incha'ye' tu'n kykyim tu'n we'yaj,
ex che kb'el nb'yo'ne' jte'tl qama che kyejten.
31¡Che oq'e' nimaqtnam pilistey,
che ẍch'ine' tu'n b'is, che lu'lune' tu'n xob'ajil!
Qu'n tzul jun tnej xjal te q'oj toj tb'a'nq'ob'kya'j naku'j sib' nb'uqin;
mix-a'lo'x jun ichan nkyajtiq'i'ntib' kyxol.
32¿Titi' kb'a'ntel t-xitzaq'wet kyeju' ẍetzaj chq'o'n toju' tx'otx' lu?
Oje kyej tkuwsa'nte Qman Dyos Syon,
ex che kletelju' ttanam nche b'isun atzu'.
Who We AreWhat We EelieveWhat We Do
2025 by iamachristian.org,Inc All rights reserved.
