1Jun q'ij xitchq'o'n nimaqkawil Sarjon aj Asirya jun tmajin kawb'il nim toklen toju' nintnam Asdod, q'ojintzu'n tmajin kawb'il ti'ju' nintnam ex kub'ti'j tu'n.
2Tojtzu'n tq'ijlalil lu tzaj yolin Qman Dyos te Isayiy, tk'wal Amos, ex tma: Iq'imila ti'ja taq'wixi'x oksa'n tu'na exju' t-xajab'a tok ti'j tqana, chij.
Tb'incha Isayiy ikju' ex kyejten mixti' t-xajab' ex ẍb'iqliyinin.
3Tmatzun Qman Dyos: Matxi' ten oxe' ab'q'i nmajine' Isayiy mixti' t-xajab' ex ẍb'iqliyinin, te jun techlal ex tpakb'alil kye Ejipt ex Etyopya.
4Ikxtzu'n che elextiq'i'n nimaqkawil aj Asirya aj Ejipt ex aj Etyopiy toju' kytx'otx', b'a'ntzun ẍjo'q mo ku'xun, mixti' kyxajab' ex ẍb'iqlqe', q'ancha'l kyẍo'p tu'n tel kych'ixaw.
5Che b'ajelxob'ju' xjal ex che kb'el ch'ixwi ti'j Etyopiy jaq'uqla'toq kyk'u'j, ex ti'j Ejipt nimtoq toklen toj kywitz.
6Kkyma' kykyaqilju' najlqe' toju' mlaj toju' tq'ijlalil lu, kjalu: kyka'yinxe' ja matxi' pona' b'aju' ja q'uqloka' qk'u'j, janqo qanina'toq o'nb'il, tu'n tkolon qi'j teju' nimaqkawil aj Asirya. ¿Se'ntzun taq'wi tu'n klonteqib' ja'lo? chechi.
Who We AreWhat We EelieveWhat We Do
2025 by iamachristian.org,Inc All rights reserved.
