1 Jn CHIK'B'AB'L - Mam Ostuncalco Bible
CHIK'B'AB'LAtzu' nyolinaxi'xju' u'j lu ti'ju tk'u'jlajiltib'il, ja nq'ancha'lixaju' axxi'x ojtzqib'l ti'j Dyos. Qu'n ate Dyos tk'u'jlajiltib'il, ex naq o'kxju' nk'u'jlante ttzik mo titz'in ojtzqi'n Dyos axxi'x tu'n. Kab'e'ju' myab'a'n xnaq'tzb'il nel tik'unju' kub' tz'ib'ante u'j lu: aju' xnaq'tzb'il nq'manjtz qa majx myab'a'nju' twitz tx'otx' tkyaqil — aju' yol lu majx el ik'u'n toju' tnejel u'j xi' tz'ib'a'n te Timotey — Ex ax juntlu' nq'manjtz qa ate Jesus Tk'wal Dyos mixti' ok ikxi'x se'n jun xjal, ex ax juntlu' nq'manjtz qa aju' kolb'il mixti'x toklen ti'ju' te twitz tx'otx' ex kyi'ju' xjal najlqe' twitz tx'otx', qu'n naq jun ojtzqib'lte' toj ewaj tu'n Dyos, aye'tzun xnaq'tzb'il majx ik'unqe' toju' tuj Pawl xi' ttz'ib'a'n.Qama tzaj qna'n qa mlayx b'ent kyok mujeju' spik'un tuk'ilju' qxopin, atoqtzun xnaq'tzb'ilju' nb'aj toju' kyokslab'l aj Juda, atzunte ja'lo che kxe'l tzak'itju' okslal tu'n kyanq'in toj spik'un, qu'n anate Dyos spik'un (Tnej jun). Tojtzunju' tnej kab'e' nyolin b'a'nxi'x ti'ju' tk'u'jlalil kxolju' okslal, ex ntma'n tqanil kyi'ju' nimaqxjal kjawil kyi'nkyib' ti'j Krist, aye'j nkub' kyewa'n qa a Jesusju' Krist ex naq chalyolqe', ex a tnej xnaq'tzb'ilju' nyolin toj tnej kyaje' xi'nix toj tnejel tqik' ex pomni toj tqaqi'n (4.1-6). A tk'u'jlalil nka'yin b'a'nxi'x toj kychwinqlal tk'wal Dyos, ex atzunju' tu'me'l kychwinqlal okslal axi'xju' tu'n kyokslan te Jesukrist, tu'n tjapunju' tchaq'b'il Dyos kyu'n ex tu'n kyk'u'jlante kyib' kxolilex (tnej oxe', tnej kyaje' xi'ni toj tqik' wuq ex pomni kanun toj junaq jun tqik'). Aju' u'j lu nb'aj yolin ti'ju' jun okslab'l te kanb'ab'l ex nyolin ti'j b'a'npun nab'l mankb'ilxi' (tnej jwe').
