1¡Kukyoqe' tyajajil B'enjamin,
¡che ewanqe'ye' ti'jxi' Jerusalen!
Kyq'ajtzame' chun toj Tekoa,
kywab'a'nktz jun techlale' toj B'et-akyerem,
qu'n xi' ttzaj jun yajb'il, jun taq'wixil
toj tb'a'nq'ob'kya'j.
2Iky Syonju' kse'n jun tnej tx'otx' tb'anilxi'xte k'ik'leb'l kb'el xitu'n,
3ja nche'xa' k'ik'lel kyuk'i'lju' kyrit;
inkub' kyq'o'n kypach kyi'jile
teyiletzun junjun tnej rit nche wan tojxju' plaj ja ta'qe'.
4A nkyma'n kyajq'oju':
¡Kyb'incham kyib'e' tu'n qq'ojin ti'j!
¡Kuwqe'xe', qo'qe' oktzaqpaj q'ojil ti'j te wanq'ij!,
Layqo'xwit, matxi' qo'qex, xi' qokyupj.
5¡Qoqe' oktzaqpaj q'ojil kyi'j te qonik'an
che qxitu'nku' kyja nimaq kywe'! Chechij.
6Matxi' tchaq'te Qman Dyos nimtipumal kjalu:
¡Kyik'sam tzeye' ex kyb'incha'nktze' jun kyxwe'lile'
tu'n kyok tzaqpaje' q'ojil ti'j Jerusalen!
B'entnitlti'j tu'n tkub' tz'e'ysette' nintnam twitz,
qu'n nim taq'wixil toj.
7Iky taq'wixilju' npoq'chaj toj Jerusalen
kse'n a' njatz poq'chaj toj xoch.
Naqx taq'wixil ex xitb'il ati toj;
naqx k'ixb'len ex k'ixk'oj in nka'yine' toj.
8Tz'e'yx twitza, Jerusalen,
qatzun min, kjel nleb'a'na tu'n ntx'u'jile',
kyjel nq'o'ntzuntza naku'j chq'ajlaj,
mix-a'lo'tl xjal knajal toja. Chi Qman Dyos.
Tqanilju' tz'e'ysb'il witzb'aj9Intma'n Qman Dyos nimtipumal kjalu:
Che jyonjtzelu' aj Israel che kjelten b'a'nxi'x,
kse'n ub'a nb'aj jyetl tkamaji'n kyxol tq'ob'
tu'n min kyeja' jun. Chij.
10Xi'tzun ntzaq'we'ne' te: ¿Alkye ktzajel b'inweye',
qa matxinyoli'ne' exqa matxinma'ne' lu kye?
Nman Dyos, jpu'n toj kyẍkyin,
min nb'ent kyb'i'n;
inche xmayin ti'ju' tyola,
min nkub' toj kywitz.
11Ayin junwe' nchin ttx'u'jin Nman Dyos;
lay tzik'xtl wu'ne', nchije'.
Tzaj tma'n Qman Dyos weye':
Tx'u'jina kyi'ju' ku'xun toj b'e,
kyi'ju' ku'xun k'loji'nchaq kyb'aj.
Che xe'lq'i'nkye' ichan kyuk'i'lxi' kyxu'jil toj kars
exqe' tijwnaq matxi' tzaj kyab'q'i.
12Che kjelju' kyja, kytx'otx' ex kyxu'jil kye txqantl.
Qu'n k'okyel nq'ob'e' kyi'j
tu'n ttz'e'yset kywitzju' najlqe' toju' tx'otx' lu.
Ayine' Dyos Manb'aj nchin yolin.
13Kykyaqilx, nimaq ex k'ok'e',
o'kxtzu' toka' kyxim tu'n kykanb'ante txqan ti'xti' mya toj tu'me'l.
Kykyaqilju' sanjelal ex pale
inche sb'un.
14Inkub' kyq'a'na'n ch'i'n tk'ixb'len ntaname';
inkyma'n qa b'a'nile
extzun mixti'xte b'a'n.
15¡Inwtlo kub' kych'ixwe'n ti'xti' nkyb'incha'n lu,
ju' inel wik'u'ne'!
Mixpeti'x nkukych'ixwe'n jun ti'xti'!
Qu'mtzun che k'ulb'al ex che kb'eltz'aq kse'nqe' txqantl,
ajtkub' ntz'e'ysa'ne' kywitz.
Ayine' Dyos Manb'aj nchin q'mante, chi Qman Dyos.
Tpi'sal Israel16Intma'n Qman Dyos te ttanam:
Che we'kupe'ye' kyoju' b'e ex kyka'yinxe'
che xjelune' kyi'ju' b'e ojtxi',
jata'ju' b'e tb'anil;
che b'ete' toj, che ojlaltzuntze'. Chij.
Aye'tzunkye kyma: Lay, min qajb'ile' tu'n qb'ete' toj. Chechij.
17E'kub' tq'o'n Qman Dyos xq'uqil, ex tma kyeju' tnam:
Kyb'inxe' tq'ojq'ojel chun, chij.
Atzunju' tnam tma: Lay txiqb'i'nqe'. Chechij.
18Qu'mtzun chi Qman Dyos:
Kyb'intze', nimaqtnam,
kyb'imju'ye' k'ik'el ti'ju' ntaname'.
19B'intza, tx'otx':
Ktzajel nq'o'ne' jun taq'wixil tib'aju' tnam lu
twitzlalilju' kyxim myab'a'n;
qu'n min xikyb'i'n nyole',
elpe' kysuchu'n nkawb'ile'.
20¿Titi' k'ajb'ela' nkub' kyq'o'ne' sturak te Sab'a nwitze'
exqe' awal nche puk'chaj te najchaq tx'otx'?
Min nche kub' we' chojb'il k'ok'sb'il toj nwitz nche kub' kyq'o'ne'
exqe' txqantl chojb'il nche kub' kyq'o'ne', chi Qman Dyos.
21Qu'mtzun ntma'n Qman Dyos:
Che k'ulb'alkye' tnam lu wu'ne' ex che kb'eltz'aq.
manb'aj ex k'wa'lb'aj, b'sin kamiw, che kyimel junx, chij.
Tzul jun nintnam toj tb'a'nq'ob'kya'j ti'j Jerusalen22Chi Qman Dyos:
Intb'incha'ntib' jun nintnam kuw tu'n ttzaj q'ojil
tzmax toj najchaq tx'otx' toj tb'a'nq'ob'kya'j.
23Iq'i'mile kysmaj ex kyk'uẍtx'e'nb'il;
mya'lqe', mixti'x nlaqj kyk'u'j;
ajkyjaw ẍch'in naku'j ninnjab' ntinun,
ate'qe'kx ti'j chej.
Naqx tu'n kyq'ojintl ti'j Syon, chij.
24Chiqe'ju' xjal toj Jerusalen:
Matxi' qb'iju'ye' tqanil,
matxi' qokub'numje' tu'n xob'il;
in qo b'isune' ex ati tk'ixk'ojil qi'je'
kse'n jun qya ajtitz'ji tal.
25¡Lalun che exe' toj kojb'il,
lalun che'x b'ete' toj b'e!
¡Luju' ajq'oj q'i'nqe' tq'ojb'il;
xob'ajilx toj tkyaqil plaj! chechij.
26¡Ntanam kyq'onk kyi'je' te b'is
yek'b'ilte k'ixk'oj;
xtolinku' tib'a toj tza'j,
b'isuna ex tz'oq'a tu'n k'ixk'oj,
kse'n makyim o'kxku' jun twitz k'wa'lb'aj;
qu'n ntxoktxon tu'n tulju' xitulqe!
27Chi Qman Dyos weye': Q'onku' ch'i'na ntaname' toj joyb'ilti'j. Ka'yima se'n tu'me'l nche anq'ina'. Chij.
28Nman Dyos, kykyaqilkye' pi'sqe';
chalyolqe' ex mixti'x kynab'l;
ikyqe' kse'n q'ank'uxb'il ex k'uxb'il.
29Aj t-xupinju' xupb'il kyq'iq',
inkub' b'u'nb'ixju' plom tu'n q'aq'.
¿Titi' tajb'en tu'n kyẍtilset?
Lay che najkye' b'inchal myab'a'n.
30K'okyel q'et kyb'i toj tz'is saqpwaq,
qu'n e'eltik'u'na Nman Dyos.
Who We AreWhat We EelieveWhat We Do
2025 by iamachristian.org,Inc All rights reserved.
