Is 17 - Mam Ostuncalco Bible

Tpakb'alju' tzul ti'j Damask

1Tpakb'alju' tzul ti'j Damask:

Lay tentl Damask te nintnam;

Naq jun ch'uqtl ti'xti' xitjni kjel.

2Kjel kolb'e'n tejumajx

naq k'ul ktzajel ch'iy toj;

che k'ik'lenjtzel alu'mj toj nak'b'il toj.

3Lay tentl nimaqtnam tok nintapi ti'j kyxol tyajajil Eprayin,

ju' kyninb'ilkyib' aj Israel;

ex kb'el naj tkawb'il Damask,

exqe' che kjelten kyxol aj Sirya,

Chi Qman Dyos nimtipumal.

Tz'e'ysb'il kywitz aj Israel

4Kb'ajel tipumal Samarya toju' q'ij lu

ju' tninb'il Jakob',

ex kb'el naju' atitoq nimxi'x te.

5K'okyel kse'n ajtb'uyet twitz awal

njaw sk'o'n t-spiyil triy tu'n q'ob'aj,

mujqa kse'n ajtb'jaw sk'o'n spiy

toju' b'ya' Repayim.

6janaq txkyajleb'entl kyajniten;

mujqa kse'n nxyijet jun olib'o

ex naq kab'e' mo oxe'tl twitz

nkyajten tunun jun tq'ob',

qa majxtzun kyaje' mo jwe' ti'j tkyaqilju' tze.

Chi Qman Dyos janche ajb'ena' aj Israel.

7Tojtzu'n q'ij lu

kxel tq'o'ntl xjal twitz ti'ju' ch'iyjsalte,

ti'ju' Dyos xjan kye aj Israel.

8Lay txi'tl ka'yilkye q'olb'eb'l e' txqantl ti'xti' b'incha'n kyu'n xjal.

Lay txi'tltwitz kyi'ju' ẍwank xjansa'qe' lu

ex kyi'ju' q'olb'eb'l ja nche'xa' tz'e'ysal sturak kye witzleb'.

9Tojtzu'n q'ij lu

che kjeltzaqpaju' nimaqttanama kuwsa'nqe',

kse'n kyb'ajkyaj tzaqpaj

nimaqkytanam eb'ey ex amorey

tu'n kyxob'el kye aj Israel.

Che kjelten chq'ajlajtl,

10qu'n matzik' tna'l Dyos tu'na ju' xklonteya,

min na'n tu'na qa a klolxi'xteju'ya.

Nche taq'una'na awal lu tb'anilqe',

nkuxtawa'n tawala te ninb'il jun junxi'tl dyos.

11Nche'x tka'yi'na toju' q'ij nche ku'xtawa'na,

ex njawu'l twi' tijajil toj juntl q'ij tu'na.

Ajtzun ttzaju' tyab' mixti'x q'a'nb'ilte

knajelju' awal.

12¡Kyb'inxe' kyq'ojq'ojelju' tnam txqan kyb'aj,

ikyju' kse'n tq'ojq'ojel ninnjab'!

Ex kyq'ojq'ojelju' nimaqtnam,

kse'n tq'ojq'ojel tnimal a'.

13Ajtzun kyxitzak'u'n Qman Dyos,

nche b'je'l oq najchaq

kse'n ttxa triy nxitiqa'n kyq'iq' twi' witz

mujqa kse'n quq inxitiqa'n kyq'iq' jb'al.

14Naku'j xob'ajilx te qale,

na'mxtoqtzun qsqix ajkyb'aj.

Atzun nb'aju' kyi'ju' nche elq'an qi'j,

ikytzu'n che b'ajela' nche xitunqe.