Sal 126 - Mam Ostuncalco Bible

B'itz tu'n tanjtlkyi'ju' aj Israel toj Jerusalen

1Tej tanjtzti'n Qman Dyos ttanam toj Jerusalen,

naku'j naq jun witzik' toj qwitze'.

2Ojexi'x qo tzalaje' ex ob'itzane' tu'n qtzalajb'ile';

aye'tzu'n nche niman kye txqantl dyos, kyma:

¡Matxi' tb'incha Dyos nimaq ti'xti' kyeju' ttanam! Chechij.

3Iku', tb'inchate Qman Dyos nimaq ti'xti' qeye',

qu'mtzun inxi'xtoq qo tzalaje'.

4¡Nman Dyos, qo tq'ok jumajtla kse'n tnejel,

kse'n chq'ajlaj nch'ixpuj tu'n jb'al!

5Aye'kye' nche oq' aj kyawan,

kjawil twitz kyawal toj tzalajb'il.

6B'a'nqa nche oq' ajkyxi' awalteju' ij,

che tzalajel ajtanjtzkyi'j

iq'i'mile junjun pk'oj kytriy. Chiju' b'itzal.